影片
更多
2022-09-01
47 瀏覽
中環不僅僅是香港金融中心，更加是美食中心，廚師功力少啲，餐廳賣點差啲都好難係呢個區生存～ 特別係中環扶手電梯果個大範圍，你隨便行兩步就已經可以見到超級多出名餐廳，係朋友圈特別紅果啲～之前聽個日本朋友推薦過呢間餐廳—benkei !用距既說話黎講，呢間係地道既日本人主理餐廳，而且係我鍾意食既鐵板燒，之前係銅鑼灣都食過一間超級正，所以見係同一類型即刻二話不說黎品嚐一番！環境： 餐廳係中環d2 出口行3分鐘，十分方便。一入門口就見到十分非常日本的設計，而侍應廚師都係日本人～另外都見到廚師同熟客仔流利地用日文交談，而果位客人一睇就知係附近啲金融菁英啦，好似叫左定食。我見午餐定食都幾抵，百幾蚊可以埋單！不過我既然特登黎食就緊係會叫我日本朋友推薦果啲啦～ pork lion steak $ 128豬排好厚身，我一開始見到廚師擺上鐵板果下都十分非常期待，因為我已經見到塊排好靚！ 果然，不負眾望地，超級好食！ 講真牛要好食物就好簡單，不過豬排要肥瘦均勻，油脂煎得岩岩好就難度大點～ 而且望著師傅係前面即整即食，一啖咬落去果種表面酥脆，內裡肥肉彈牙，瘦肉不韌又香口，簡直係享受呀！ 所以呢個一定要食呀！ O
之前聽個日本朋友推薦過呢間餐廳—benkei !用距既說話黎講，呢間係地道既日本人主理餐廳，而且係我鍾意食既鐵板燒，之前係銅鑼灣都食過一間超級正，所以見係同一類型即刻二話不說黎品嚐一番！
環境：
餐廳係中環d2 出口行3分鐘，十分方便。一入門口就見到十分非常日本的設計，而侍應廚師都係日本人～另外都見到廚師同熟客仔流利地用日文交談，而果位客人一睇就知係附近啲金融菁英啦，好似叫左定食。我見午餐定食都幾抵，百幾蚊可以埋單！不過我既然特登黎食就緊係會叫我日本朋友推薦果啲啦～
pork lion steak $ 128
豬排好厚身，我一開始見到廚師擺上鐵板果下都十分非常期待，因為我已經見到塊排好靚！ 果然，不負眾望地，超級好食！ 講真牛要好食物就好簡單，不過豬排要肥瘦均勻，油脂煎得岩岩好就難度大點～ 而且望著師傅係前面即整即食，一啖咬落去果種表面酥脆，內裡肥肉彈牙，瘦肉不韌又香口，簡直係享受呀！ 所以呢個一定要食呀！
Ox tongue $98
我係牛舌愛好者，基本上我一定會係日本餐廳叫牛舌食～ 呢個牛舌絕對絕對值回票價！ 係我人生食過最好食既牛舌！！ 好爽口彈牙！好有牛味！會食唔停口！一舊接一舊！記得要食呢個！！必食！
deluxe seafood $280
錫紙海鮮盛會，入面有兩隻虎蝦，一隻特大帶子，半條魚，兩個生蠔，兩個蛤蜊，有些芽菜和野菜墊底～ 平心而論，呢個就不過不失，都係海鮮應該有既味道。我個人覺得如果放粉絲入去吸下啲海鮮味會更佳！
Tomato okonomiya $110
大判燒黎講呢個簡直係正！好似係日本食果啲咁～ 廚師調味調得超好呀！ 而且好夠飽！幸好呢個係最後上，否則你個胃就冇空間食其他野！ 見住廚師將麵糊同豬肉條，芝士碎層層疊咁整好呢個大判燒～真係無敵吸引～推薦推薦～
張貼
