牛大人台灣火鍋吃到飽

營業中

休息中

台灣任食邊爐牛大人呢排推出左「日本黑毛和牛A4+晚市 120分鐘吃到飽套餐」🤩任食來自日本嘅黑毛和牛🐮只要晚市叫呢個套餐，仲附送「海鮮拼盤」及「鮑魚盛宴」，喺牛大人IG like 返相應嘅 post會有免費金鑽鳳梨椰奶西一杯！牛大人任食不嬲出名質素高，環境衛生，仲有特色台式小食及火鍋配料，推薦新品黑松露油炸鬼、台灣小香腸同甜不辣。牛肉方面梗係要食日本黑毛和牛A4+啦！牛味濃郁而且油脂真係好豐富🤤套餐送嘅海鮮拼盤有齊蟶子、鮑魚、生蠔，真係超抵食！唔想食牛可以簡伊比利亞黑毛豬梅肉 🐽都好適合打邊爐。海鮮迷可以留意下最新嘅3款「鮑魚盛宴」菜品，由台灣師傅主理三種煮法炮製鮑魚，鮑魚食落都幾新鮮，可以無限encore😝飲品方面鴨屎香檸檬茶幾高質，一個人至少可以飲到兩杯，酸酸地好解膩，跟住又可以食多啲啦😋 金鑽鳳梨椰奶西椰奶味好濃，個底有好多西米露，加埋鳳梨都幾特別。而家甜品仲有Häagen-Dazs雪糕同脆批，多款口味都有，最後叫埋台中仙草凍，結束圓滿的一餐！