牛大人台灣火鍋吃到飽 (大鴻輝(荃灣)中心)

營業中

休息中

試咗佢哋嘅「120分鐘日本黑毛和牛A4+吃到飽」套餐只係$4xx，超抵入座之後，員工即刻送嚟兩粒澳洲M9和牛牛丸，仲有海鮮拼盤，有齊蟶子、鮑魚(有得揀柚子等味）、帶子、蠔，食落去鮮甜。火鍋底有多款選擇，我試咗三文魚豆腐鍋，提鮮一流，啱我口味。肉類方面，日本A4黑毛和牛真係唔可以錯過，肉質滑嫩，入口即化，真係好正！另外，仲有澳洲和牛M5，安格斯牛小排等多款肉類，就連原本個伊比利亞豬都好正，唔駛擔心食唔夠。每樣肉都可以隨意點，真係好過癮。用餐時間有120分鐘咁多，食到捧住個肚走，非常適合火鍋愛好者，尤其係想同朋友聚餐嘅話♧我已經諗住下次再嚟啦！