一鍋堂 (瓊華中心)

營業中

休息中

一鍋堂的任食邊爐真係好抵食，都有唔少火鍋配料，跟朋友聚餐，非常方便。上次食過冬瓜盅，今次想滋補少少，我哋叫了金湯椰子雞鍋，既有南瓜的香甜，又有椰子的清香，雞件香滑，打邊爐前飲返啖湯，真係好暖胃。因為我們很愛食牛，所以必叫set D。日本黑毛和牛A4+切成薄片，雪花紋好密，食起黎好滑，入口即溶。極上安格斯牛小排，重牛味。澳洲M6和牛牛腹肉肥瘦均勻，不會太肥膩。除了食牛，其實仲有豐富的海鮮食材，龍躉斑頭腩魚肉爽滑，串串鮮海蝦蝦肉爽口彈牙，桶蠔雖然每碟一粒，但蠔身飽滿，會讓人食完再叫。帆立貝已清洗乾淨，肉身肥美鮮甜。除了火鍋配料，仲有熟食。花雕醉鮑魚，磯煮鮑魚非常鮮甜，蟹子百花油條很香脆又鮮味。食材真係好多，仲有飲品任飲，雪糕，前菜小食都係任食。