譚仔三哥米線

營業中

休息中

譚仔三哥打住充滿日本風味旗號嘅三哥黑蒜油味噌湯米線，等我去實測一下。湯底係十分濃郁嘅味噌，加入左黑蒜油，但黑蒜嘅味道唔算太突出，而且整個湯底食到後期偏鹹😢。湯底配料亦好豐富同破格👍🏻，用娃娃菜、金菇、紅椒圈同京蔥花代替一般米線嘅芽菜、腐皮同韭菜，帶黎新鮮感。仲有幾塊軟嫩、肥瘦適中嘅豬腩卷🐷同流心溏心蛋🥚，不過溏心蛋有啲酸味，懷疑係用左醋醃製。小食方面就唔洗多講，招牌嘅土匪雞翼好耐無食，味道依然😋。呢款新出嘅新口味米線，雖然好似無咩驚喜，味道個人覺得偏鹹。不過味噌湯配米線又真係第一次食，都值得試🤓。