雲壽司 (已結業)

🍴壽司拼盤 HK$180喺銅鑼灣店食過廚師發辦，今次試吓普通壽司拼盤。十件壽司分別係三文魚子、辣味三文魚、北寄貝、帆立貝、甜蝦、三文魚、油甘魚、真鯛、池魚、大拖羅。有幾款特別鍾意，帆立貝、甜蝦鮮甜肉嫩，真鯛、池魚爽脆清甜，大拖羅肥美甘香。🍴北海丼 HK$188喺中環店食過北海丼，大部分刺身幾出色，某啲就較普通，今次照辦煮碗再試下，結果全部刺身都好食。油甘魚、三文魚、大拖羅夠肥厚，大拖羅油香極重。赤貝、牡丹蝦幾爽甜。北海道海膽鮮甜回甘，三文魚子鹹香唔腥，配埋醋飯唔使落豉油都夠晒味。📍雲壽司太子西洋菜南街254號地下及閣樓