鬼金棒

營業中

休息中

Lunch Time 跟左個極中意食拉麵同事一齊食，佢介紹左間過江龍東京人氣拉麵店，間拉麵店叫『鬼金棒』，聽個店名同拉麵聯想唔到任何關係，但去到鋪面終於知道點解幫間鋪頭改做『鬼金棒』。鋪頭門口左手面，放左一大支細細個睇鬼太郎，一大班小鬼最中意揸住的棒，另外，見鋪頭個裝修都凝造左『鬼』氣氛，牆上一排一排有唔少『鬼』面具，可以話係鋪如其名。主打的拉面，都一如其名，係主打『麻』、『辣』，而『麻』或『辣』都可以有唔同程度去揀，我呢D就小麻、小辣，但就揀左個🍜增量叉烧辣麻味噌拉麵，拉麵控就揀左🍜『味玉辣麻味噌拉麵』，話拉麵其中一個靈魂就係溫泉蛋。另外，再叫多左個煎餃一齊Share，再加多兩罐汽水。當個增量叉烧辣麻味噌拉麵送到枱面的時候，我呆左陣，估唔到增量的叉燒份量可以大舊到咁。同時，拉麵控同事話，食拉麵除左個湯底好唔好味，仲有個因素影響碗拉麵就係個湯夠唔夠熱。食落個拉麵，又真係感受到要趁熱食，另外，個湯底小麻小辣，食落又幾惹味。埋單$300，人均$150，拉麵份量，再加埋一人一半的餃子，仲有一罐汽水，咁ge 價錢，飽住走，係銅鑼灣地段，可以話係合理，仲要質素高。