花丸軒

營業中

休息中

來自日本大板道頓堀花丸軒，最出名就係慢煮原條豬軟骨🍜餐廳環境闊落舒適，除咗有吧枱位，仲有兩人或四人座位。豬軟骨超大條，必點！幸福拉麵二重奏配糖心蛋 $128幸福拉麵係豚骨湯底，二重奏即係叉燒同埋豬軟骨，叉燒係薄切，油脂分布好平均，外層有輕輕燒過，食落口感軟腍同時帶點焦香味。豬軟骨慢煮後口感非常嫩滑，拉麵亦都好滑溜，每條都掛到湯，非常好味。招牌原條慢煮豬軟骨拉麵配糖心蛋 $148原條豬軟骨賣相好吸睛，呢個拉麵同樣係豚骨湯底，原條豬軟骨經過8小時嘅慢煮，口感非常軟腍，入口即化，豬肉同骨膠嘅口感好豐富，不愧為餐廳嘅招牌拉麵。天婦羅紫菜魷魚鬚 $52魷魚鬚嘅外層沾上天婦羅粉漿同紫菜碎之後油炸，食落口感非常酥脆，而且完全唔覺油膩，點埋蛋黃醬食就更惹味。