Minato

難得舊同事返嚟灣仔食午餐，決定食好啲，環境舒服啲聚一聚。 Minato 係朗廷酒店集團旗下的餐廳，服務同環境都達到一流水平。佢嘅平日午市御膳（lunch set) 有8種，價錢介乎$348 - $488 ， 仲可以免費做Brilliant 會員，享有85折優惠。我就叫左角切魚生丼御膳，加一服務費85折後$350，御膳包括一碗沙律菜、一個茶碗蒸、一碗味噌湯、一小碟甜品、同埋當然有一碗角切魚生丼！沙律菜⭐️⭐️⭐️⭐️⭐️好新鮮，好食！茶碗蒸⭐️⭐️⭐️正常發揮味噌湯⭐️⭐️⭐️⭐️有鮮味，好飲！角切魚生丼⭐️⭐️⭐️⭐️⭐️魚生的種類好多，有蝦、拖羅、三文魚、油甘魚、白身魚（我唔認到嘅魚類😂）同三文魚籽，另外仲配左玉子燒、海帶同埋酸姜。特別要highlight, 拖羅同三文魚籽都十分新鮮，雖然魚生係角切，但係用料絕對唔馬虎，反而一粒一粒切好平均舖係壽司飯面，好方便進食，每一啖都食到魚生。甜品⭐️⭐️⭐️⭐️甜品係一小件卷蛋以及紅豆餡抹茶麻薯，好食嘅不過偏甜左少少🤏