影片
更多
2023-07-13
344 瀏覽
收工黎到中環蘇豪區既一間日式串燒居酒屋盡興一番。餐廳叫KATANA，以日本既武士作為主題，提供各款日式串燒、一品料理等等，亦有多款清酒選擇。當日係平日夜晚，但都座無虛席，非常熱鬧有氣氛！今晚飲既清酒係仁井田 自然酒 生酛純米原酒。飲落帶濃厚米香同甜味，係好順又易入口既一款，搭配串燒亦好夾！串燒試左好幾款都令人滿意！最中意雞皮紫蘇蝦卷。用雞皮包住大蝦同紫蘇燒，雞皮既油脂香、紫蘇葉香同大蝦既鮮甜，大蝦亦好彈牙新鮮，好正！厚切牛舌好爽口，重牛味。荔枝豬肉卷係比較清新選擇。豬肉包住當造既荔枝，清甜多汁既荔枝配豚肉中和左油膩感。雞心椗同雞翼正常發揮，唔錯。除左串燒，其他小食亦係相當出色。海膽包必點。炸紫菜包住慢慢海膽，好滿足，炸得都夠薄脆，唔覺油膩。鰻魚脆脆見好多人推介都試下！一份6條，脆脆既口感其實都有啲似脆米通咁甜甜地，入面就係鰻魚，幾特別既組合。柚子虎皮漬又一必點前菜。佢係涼拌雞皮，食落開胃酸爽，雞皮口感有彈性，酸甜醬汁食落毫無負擔罪惡感！煙燻沖繩黑豚肉。呢個煙燻豬肉帶點鹹香，煙燻香亦好突出！豚肉肉質軟嫩，有啲類似煙燻版本既鹹豬手。千壽金磚玉子係炸豆腐。豆腐炸得外脆內軟。燒鱈魚乾。係唔錯既
餐廳叫KATANA，以日本既武士作為主題，提供各款日式串燒、一品料理等等，亦有多款清酒選擇。當日係平日夜晚，但都座無虛席，非常熱鬧有氣氛！
今晚飲既清酒係仁井田 自然酒 生酛純米原酒。
飲落帶濃厚米香同甜味，係好順又易入口既一款，搭配串燒亦好夾！串燒試左好幾款都令人滿意！
最中意雞皮紫蘇蝦卷。
用雞皮包住大蝦同紫蘇燒，雞皮既油脂香、紫蘇葉香同大蝦既鮮甜，大蝦亦好彈牙新鮮，好正！厚切牛舌好爽口，重牛味。
荔枝豬肉卷係比較清新選擇。
豬肉包住當造既荔枝，清甜多汁既荔枝配豚肉中和左油膩感。雞心椗同雞翼正常發揮，唔錯。
除左串燒，其他小食亦係相當出色。
海膽包必點。
炸紫菜包住慢慢海膽，好滿足，炸得都夠薄脆，唔覺油膩。鰻魚脆脆見好多人推介都試下！
一份6條，脆脆既口感其實都有啲似脆米通咁甜甜地，入面就係鰻魚，幾特別既組合。柚子虎皮漬又一必點前菜。
佢係涼拌雞皮，食落開胃酸爽，雞皮口感有彈性，酸甜醬汁食落毫無負擔罪惡感！煙燻沖繩黑豚肉。
呢個煙燻豬肉帶點鹹香，煙燻香亦好突出！豚肉肉質軟嫩，有啲類似煙燻版本既鹹豬手。
千壽金磚玉子係炸豆腐。
豆腐炸得外脆內軟。燒鱈魚乾。
係唔錯既佐酒小吃！如果仲有空間既話其實都好推介試下佢哋嘅丼飯。
迷你親子丼好足料！
滑蛋同雞肉都好滑嫩，鮮味十足，配埋蔥絲更香口。迷你辛口明太子伴玉子蓋飯。
明太子鹹鮮帶點微辣，玉子軟綿綿又甜甜地，好送飯！
張貼
