大喜屋

營業中

休息中

沙田本身都有好多個商場互通、絕對係行街嘅好去處之一又有室外空中花園、但今次我個朋友同我講想食日本嘢，但係又唔想又限量、又想食甜品又想食小食，最好就任食！ 我就帶咗佢係一間大喜屋日本放題專門店,除咗好多嘢都可以任食之外，仲好高質素！當然我覺得佢就係充滿多元化，呢個優點亦都係好吸引到我！我同朋友今次叫一啲比較矜貴啲嘅食材、蘋果鵝肝、清酒鮑魚，同埋左口魚壽司，當然唔少得三文魚腩壽司、同埋一系列嘅刺身，包括三文魚腩，新鮮帶子、同埋海膽手卷、當然唔少得就係凍盤蜆同埋凍盤蝦！除此之外，估唔到呢度仲有中式點心都係任食！仲有幾款中菜除咗比較有特色之外，亦都係好受歡迎嘅食物品種之一！我覺得最驚喜就係煮花螺、除咗肉質味道好鮮甜之外、亦好有煮大排檔嘅味道好香濃！當然仲有焗生蠔，真係好大隻、最鍾意就係食佢個蟹黃粥，除咗味道夠香濃之外！仲暖笠笠！沙田大喜屋日本放題專門店沙田廣場一樓地舖