影片
更多
2025-03-07
84 瀏覽
由日本師傅主理既隱世爐端燒小店, 師傅本身係九州人, 所以餐廳會沿用返部份九州食材,菜式每日則會因應當日返貨調整, 完美還原九州風味, 亦睇得出師傅對呈現自己家鄉料理果一份堅持!二人套餐 $1280🍽️ 博多前菜2款筑前煮 ｜ 通粉薯仔沙律筑前煮係九州北部既代表性鄉土料理, 入面有冬菇粒、雞肉粒、芋頭、蒟蒻等, 全部都燜煮到吸收哂高湯既鮮味.🍽️ 季節性食品當日食到既係來自持田農場既新鮮蕃茄, 非常爽甜多汁, 一啲都唔酸🍽️ 福岡志賀島 壺燒榮螺螺殼入面灌入咗清酒等醬汁去燒, 令榮螺吸收哂醬汁既精華, 螺肉亦非常大粒, 味道清甜.🍽️博多長茄子醬燒味道香濃, 非常惹味🍽️ 博多雞頸肉博多地雞都係不含激素既高級雞肉, 而其中雞頸肉肉質爽彈, 有嚼口, 雞肉味濃郁, 配搭蛋黃柚子醋後, 亦令雞肉更加嫩滑🍽️ 燒澳洲牛舌牛舌熟成度燒得剛剛好, 入面仲係呈粉嫩色, 好香燒烤味, 肉質亦十分爽嫩彈牙.🍽️ 蒸籠鰻魚飯呢個係福岡柳川既名物, 師傅特別用上日本產鰻魚, 舖滿兩層, 份量十足, 鰻魚表面呈金黃色, 肉質鮮嫩, 而米飯油光豐盈, 充滿鰻魚醬既香味, 非常好食!🍽️甜品梅枝餅｜冬甩梅枝餅發源於福岡既太宰府
由日本師傅主理既隱世爐端燒小店, 師傅本身係九州人, 所以餐廳會沿用返部份九州食材,菜式每日則會因應當日返貨調整, 完美還原九州風味, 亦睇得出師傅對呈現自己家鄉料理果一份堅持!二人套餐 $1280
🍽️ 博多前菜2款
筑前煮 ｜ 通粉薯仔沙律
筑前煮係九州北部既代表性鄉土料理, 入面有冬菇粒、雞肉粒、芋頭、蒟蒻等, 全部都燜煮到吸收哂高湯既鮮味.
🍽️ 季節性食品
當日食到既係來自持田農場既新鮮蕃茄, 非常爽甜多汁, 一啲都唔酸
🍽️ 福岡志賀島 壺燒榮螺
螺殼入面灌入咗清酒等醬汁去燒, 令榮螺吸收哂醬汁既精華, 螺肉亦非常大粒, 味道清甜.
🍽️博多長茄子
醬燒味道香濃, 非常惹味
🍽️ 博多雞頸肉
博多地雞都係不含激素既高級雞肉, 而其中雞頸肉肉質爽彈, 有嚼口, 雞肉味濃郁, 配搭蛋黃柚子醋後, 亦令雞肉更加嫩滑
🍽️ 燒澳洲牛舌
牛舌熟成度燒得剛剛好, 入面仲係呈粉嫩色, 好香燒烤味, 肉質亦十分爽嫩彈牙.
🍽️ 蒸籠鰻魚飯
呢個係福岡柳川既名物, 師傅特別用上日本產鰻魚, 舖滿兩層, 份量十足, 鰻魚表面呈金黃色, 肉質鮮嫩, 而米飯油光豐盈, 充滿鰻魚醬既香味, 非常好食!
🍽️甜品
梅枝餅｜冬甩
梅枝餅發源於福岡既太宰府, 更成為去參拜必食既名物, 師傅好有心思地還原呢道九州特式小食, 餅皮軟糯香脆, 包裹住紅豆蓉係入面.
⭐️⭐️ 當晚師傅仲將一道剛研製, 菜單上面未有既新菜式, 整咗比在場食客品嘗, 令我哋非常驚喜又開心!
張貼
