弁慶 御好燒 鐵板燒

營業中

休息中

中環搵到間好味又抵食嘅鐵板燒！餐廳係日本師傅主理，有鐵板燒吧枱座位、亦有普通table。我哋坐咗喺吧枱位置，可以欣賞師傅喺面前整嘢食～叫咗一份豬扒，估唔到都燒得好香，幫你切成一少件，容易食。一向都好鍾意食免治雞肉，呢度有免治雞肉燒，味道同平時食串燒嘅免治雞肉串好類似。呢個就係免治雞肉餅面上有生蛋，味都幾好食！燒帶子新鮮年連殼燒到靚靚，帶子厚身好大隻！調味又唔錯！大阪燒真係富有日本風味，夠厚夠大件，而且仲可以自己揀配料。我揀咗泡菜、豬肉、魷魚。另外再揀咗燒牛舌，牛舌燒得好香，爽口美味！飲品杯柚子梳打好爽！