南瀛水產

係尖沙咀瘋狂shopping之後，見有啲餓就同閨蜜走咗呢間喺太興廣場嘅居酒屋到食晚飯~一入去充滿和風嘅裝修，每張檯仲有個日式燒爐，可以睇住店員幫你燒，可以邊食邊燒~先叫咗蚧味噌甲羅燒， 一直都好怕好腥，但食完反而想再食，蟹膏蟹味十足，入口軟滑綿綿，單食都唔會好咸~仲叫咗蛤蜊，姐係平時我地食嘅蜆~味道鮮甜飽滿！居酒屋當然唔錯過~刺身、燒物！叫咗東瀛五點盛，新鮮刺身，而且 三文魚同吞拿魚都勁厚切，好值得一試！雲丹蚧肉卷上層喺鮮甜海膽，內卷係蚧魚，味道好夾~另外，香蒜牛舌同炸雞軟骨配清酒一流，牛舌係超厚舌，彈牙爽口，香蒜微微，唔會蓋過牛舌味，炸雞軟骨就爽口，而唔油膩~飲品閨蜜就飲柚子燒酌，柚子酸酸甜甜帶酒香，好岩女仔飲，青蘋果乳酸必飲，甜甜配乳酸好岩夏天！小食叫咗個一口炸芝士，外脆內軟，芝士香濃，最後叫埋 雲呢拿蛋糕做甜品，滿足曬☺