宴 尖沙咀

同我熟你都會知道我鍾意食日本野，但係而家因為疫情影響搞到夜晚冇得食日本野，但係如果可以叫到有日本特色，甚至乎有沖繩特色嘅外賣便當，都可以一解思鄉之情。《えん宴・外賣系列》精選日式便當選擇多多，仲有選用沖繩食材，有幾款都係沖繩料理！外賣選擇限時優惠見到有60幾蚊到$100鬆啲都有，豐儉由人。每款便當隨餐附送：花生豆腐、漬物、是日甜品、味噌湯及迷你沙律蒲燒鰻魚便當$108裏面嘅鰻魚都燒得好香，而且有兩件，分量十足 ！生薑燒日本豚肉便當$68 呢個真係好正，好似平時堂食丼飯嗰啲咁樣， 而且側邊有好多洋蔥甜甜地，要來送飯一流， 十分開胃。 沖繩墨魚汁炒麵便當$78佢呢個墨魚汁炒好有彈性，口感彈牙，麵上都有好多粒爽口彈牙嘅物，加上兩隻菜餃子，夠哂豐富。花生豆腐係我覺得最得意嘅，個口感有少少似水牛芝士及表面睇落就好似一隻蛋。另外佢個味增湯味道清新，唔會太咸比較健康。甜品個質感都好有彈性好特別。另外值得一提嘅佢泡菜雖然份量唔多，但係酸酸甜甜非常開胃，食咗都覺得唔夠喉 ！