餓虎藏龍

營業中

休息中

餐廳位於JOYPOLIS SPORTS室內遊樂場頂層，由米芝蓮星級團隊打造，適合家庭聚會及舉辦小朋友生日會。晚上則搖身一變為日式居酒屋，主打多款新派日本菜。店內環境大，空間感十足，另設有戶外位置，可270度飽覽俯啟德主場館。前菜有名古屋土雞餃子，五細粒，皮薄，脆身，配洋蔥薑酸醋汁都幾開胃。另外有炸粟米骨配甜椒粉乳酪醬，醬汁甜甜哋，粟米Juicy，無渣，值得一試。飲品有Travel With Mango Girl同Back To 18yrs，酒精味唔重，打卡able又好味。主食有和牛芝士漢堡，包皮鬆軟，牛肉味香，厚度適中，搭配生菜同番茄，層次感豐富，旁邊附上香脆薯格，點埋茄汁更惹味。另有意大利辣肉腸薄餅，偏薄身，外層脆，內裏軟熟但又唔會扁塌塌，辣肉腸味無平時嘅出，食落都唔油膩。