Briketenia (已改名) 查看

今晚收工無野做， 近近地去北角匯揾野食， 住喺北角咁耐， 都係第一次食呢間法國餐廳。 原來呢間法國餐廳由日藉廚師主理，用日本食材， 煮法國餐。忌廉蘑菇湯 - 香濃嘅蘑菇香味， 個湯由店員直接倒入d食材到， 比較少見。入口重有一粒粒蘑菇碎。法式白酒煮青口 - 青口鮮甜肥美， 味道清新。香煎海鱸魚配蜆肉忌廉汁 - 鱸魚肉質鮮嫩， 魚皮煎得金黃香脆。油封法國鴨腿配新薯+紅莓汁 - 法國鴨腿非常香濃， 肉質一絲一絲， 入口即溶， 油香豐富。北角匯海濱有寵物公園， 顧客可以帶寵物入內架。