火土燒肉

K11 3樓隱藏咗一間有特色嘅燒肉店，主打露營風東西10分別緻仲有戶外area非常適合打卡，老婆於是去試吓。叫咗果酸北海道帶子三文魚作為前菜，新鮮嘅北海道帶子及三文魚配上酸酸甜甜的醬汁非常開胃。燒肉方面就叫咗個全牛特選拼盤及花切長牛舌。拼盤份量非常足夠兩個人食又比較有肉味到油花豐富嘅牛肉都有提供，提供咗唔同嘅口感。花切長牛舌用上後切方式原條呈現，透徹令到牛舌非常Juicy及爽脆，亦帶有滿滿嘅油香，呢個牛舌亦係餐廳招牌菜式。另外點咗個月見醬燒飯團，飯團沾滿咗醬油燒到表皮香脆配上蛋黃，將飯團點上濃濃嘅蛋汁係我最喜歡嘅菜式之一。最後叫咗杯海鹽菠蘿梳打及巨峰提子可爾必思，路上露營杯裝住，比起坊間嘅普通杯容量更加十足。