影片
更多
2022-08-29
48 瀏覽
今日嚟到位於尖沙咀嘅三日月，呢一間係主打日式鐵板燒嘅餐廳，唔同其他餐廳，呢度係有師傅坐鎮，係你面前煮好新鮮嘅食材，鑊氣同埋新鮮度梗係無可比擬啦！我哋今次嗌咗呢一個三日月極上一人前鐵板餐，朋友同埋我都覺得好滿足，所以想強烈推薦比咁多位！首先要講吓佢嘅前菜分咗三種類：由淡嘅開始豆腐、煙三文魚到最濃嘅煙燻雞胸肉。慢慢warmup你嘅味蕾！跟住店員小姐好快都為我哋端嚟咗刺身今日佢哋提供嘅刺身有吞拿魚、油甘魚同埋甜蝦，小弟覺得非常之新鮮，而且彈牙爽口，食唔出雪藏味之後我哋仲食咗海葡萄沙律，沙律上面除咗正常嘅沙律菜之外，仲會有一串深色嘅東西，咬落去會有啲爆開嘅口感，幾得意！之後就嚟到重頭戲——生蠔！我想講呢個生蠔超級甜！ ！檸檬或者其他調味都唔使㗎，佢嘅鮮味已經好足夠❤️前菜咁上下啦，之後就黎到熱盤嘅第一章鐵板燒帆立貝帆立貝超級大隻，我諗直徑有一隻手指咁長😂食落去覺得幾甜，而且調理得好好，唔會好乾身好快就黎到茶碗蒸，上面有兩三粒嘅魚子點綴，精緻到滿分!茶碗蒸本身都有少少海水嘅味道，兩邊都有少少嘅蟹肉絲，小弟覺得色香味俱全！嚟到鐵板燒我哋揀咗白鱈魚揀完之後其實見到朋友嘅蝦都幾吸引小弟其實有啲後悔，不過
我哋今次嗌咗呢一個三日月極上一人前鐵板餐，朋友同埋我都覺得好滿足，所以想強烈推薦比咁多位！
首先要講吓佢嘅前菜
分咗三種類：由淡嘅開始豆腐、煙三文魚到最濃嘅煙燻雞胸肉。
慢慢warmup你嘅味蕾！
跟住店員小姐好快都為我哋端嚟咗刺身
今日佢哋提供嘅刺身有吞拿魚、油甘魚同埋甜蝦，小弟覺得非常之新鮮，而且彈牙爽口，食唔出雪藏味
之後我哋仲食咗海葡萄沙律，沙律上面除咗正常嘅沙律菜之外，仲會有一串深色嘅東西，咬落去會有啲爆開嘅口感，幾得意！
之後就嚟到重頭戲——生蠔！
我想講呢個生蠔超級甜！ ！
檸檬或者其他調味都唔使㗎，佢嘅鮮味已經好足夠❤️
前菜咁上下啦，之後就黎到熱盤嘅第一章
鐵板燒帆立貝
帆立貝超級大隻，我諗直徑有一隻手指咁長😂
食落去覺得幾甜，而且調理得好好，唔會好乾身
好快就黎到茶碗蒸，上面有兩三粒嘅魚子點綴，精緻到滿分!
茶碗蒸本身都有少少海水嘅味道，兩邊都有少少嘅蟹肉絲，小弟覺得色香味俱全！
嚟到鐵板燒
我哋揀咗白鱈魚
揀完之後其實見到朋友嘅蝦都幾吸引
小弟其實有啲後悔，不過師傅冇令我失望，我覺得魚完全唔油膩或者係腥臭嘅感覺，而且調理嘅時間啱啱好，唔會太耐令到肉好鬆散。
和牛封門柳
我揀咗呢一個做今日嘅主菜，和牛嘅油脂真係令人回味無窮，只需要少少鹽嘅點綴，就能夠帶出呢一道菜嘅美味，問世間能夠喺邊度搵到呢一種嘅美味？只怪未能通關，暫時留喺三日月品嚐日式美味。
到最後就一定要睇吓佢嘅梅子炒飯，本身仲擔心緊佢嘅梅子會唔會好酸，原來佢嘅梅子主要係調色用，炒飯加入梅子醬之後好快變得粉紅色，好夢幻好適合打卡
——————為食分界線——————
📍 三日月 (尖沙咀)
尖沙咀金馬倫道23號金馬倫廣場2樓B號舖
推介指數 🤰🤰🤰🤰🤰(5/5)
好味指數 🤰🤰🤰🤰🤰(5/5)
抵食指數 🤰🤰🤰🤰🤰(5/5)
環境推介 🤰🤰🤰🤰🤰(5/5)
人均消費： $800
#mariofatfat #hkfoodie #Foodie #為食馬利奧
張貼
