甘味處鎌倉 (屯門市廣場1期)

營業中

休息中

每次經過都比佢店名 甘味處鎌倉 同日系裝修吸引到，今次終於有時間入去試一試啦。🥰上網一查先知原來佢係日本都有50幾間分店，作為日本過江龍相信質素一定有保證😆😆今日天氣好熱，所以毫不猶豫就揀咗刨冰，味道都好多選擇，但我就鍾情於牛奶味嚕～～而且仲寫明係生牛奶，意思係無加工過嘅牛奶，食落去特別香濃～❤️❤️另外仲叫咗杯草莓牛奶，濃郁嘅草莓醬溝埋牛奶非常夾，而且顏色又靚～岩晒少女心嘅我😍味道唔會太甜，而且仲有保留草莓果肉，口感十分之好！😚另外見佢係銅鑼灣都有分店，想試嘅朋友仔唔洗山長水遠入嚟屯門嘅！😂