螢火

今日爸爸生日，帶佢嚟尖沙咀食日式料理慶祝，喺尖沙咀螢火食午餐，呢個午餐主打日式鐵板燒料理，大廚會喺你面前烹調所有食物，煮完即刻上碟有得食，夠晒熱氣！美味分數💯澳洲龍蝦 🦞，大廚將原隻龍蝦整熟之後，拆開龍蝦肉，將佢切開一少少件，龍蝦原汁原味，食落去啖啖鮮甜味。帆立貝🦪用鐵板先到外表焦香，內裏肉質柔軟，精華鎖晒喺帆立貝入邊，鮮味十足。帆之貝上面仲加咗魚子醬，一齊食鮮甜得來，又大有鹹香味道。清酒煮蜆🍲有好香嘅清酒🍶香氣，因為用酒煮掛，蜆肉嘅鮮味更能夠充分發揮。日本A 5牛肉薄燒🐂，本身係選用美國牛，只要加$200就可以轉成呢個日本A 5和牛，薄切牛同蔬菜非常夾，牛肉夾住蔬菜，一啖咬落去，牛肉嘅香味同蔬菜嘅清爽味道充分係厚度發揮出來👅。櫻花蝦炒飯🍚仲要配上一隻半熟煎太陽蛋，根本就係天堂美食，每一啖飯乜都食到櫻花蝦，又香又鮮，混合埋雞蛋一齊食，簡直無懈可擊。