幸屋

營業中

休息中

日式拉麵小巷之《幸屋》今日同事帶我食好西，灣仔小巷入面呢間主打日式拉麵及沾麵，豬骨湯底都係新鮮製作，湯底濃度同麵既軟硬度係可以按自已需要選擇，雖然餐廳不算大，但價錢非常合理，自家製餃子：餃子上落左香蔥、燒汁、沙律醬，唔需要點醋已經好好食，餃子皮食落唔會太dry，餡料豐富。芝士年糕：意外地好食，入口仲暖暖地，口感煙韌，而且有拉絲效果。魚介湯豚骨沾麵：沾麵一定要叫，湯底十分濃郁，而且湯底稀襭度適中，麵條每條都掛滿湯汁，麵質硬度岡好，豚肉好淋，而且湯底以熱石鍋上陣，可以keep住溫度。櫻花蝦味噌拉麵：湯底望上去濃郁，而且有陣陣櫻花蝦味，拉麵選擇左幼麵，口感不錯，雞蛋有蛋香，而且係流心狀態，配料有厚 / 薄叉燒各一片、黑木耳、椰菜、紫菜同蔥花，令入口味道更豐富，湯底不算太鹹。總結價錢唔貴，沾麵有驚喜。