申子居酒屋

營業中

休息中

位於銅鑼灣渣甸街嘅申子居酒屋環境氣氛唔錯，設有卡位坐得舒服，適合同朋友聚餐傾偈。而加午市做緊六折優惠，平均百幾蚊可以食到個定食，性價比唔錯！🏮刺身定食擺盤好精緻，有多款刺身，每款有兩件，是日有三文魚腩、深海池魚配三文魚籽、帶子，呑拿魚、赤蝦，魚生整體都幾厚切，而且有用三文魚籽同黑魚籽點綴，食落更鮮味！定食可自選七星米飯/雞白湯手打烏冬～🏮牛肉壽喜燒壽喜燒都大鍋，入面有牛肉、粉絲、京蔥、豆腐、金菇同雜菜，個人覺得壽喜燒汁唔會偏甜，索盡湯汁好惹味，牛肉份量都多，沾埋蛋黃食更滑嫩。定食仲附有麵豉湯同兩款漬物，好豐富🏮汁煮左口魚裙邊賣相好精緻，左口魚卷成花花形狀咁，上面用咗三文魚籽同黑魚籽點綴，左口魚經炙燒處理，食落更香口，每條都好長好大件，好有口感