影片
更多
2024-05-23
1954 瀏覽
今日嚟到荃灣呢一邊搵好嘢食，就嚟咗呢一間食日式小菜嘅餐廳，佢係自家製嘅日式小菜，而且每一日新鮮即做，睇嚟非常有心思，咁我就同朋友決定試吓，喺網上見到啲評分都唔差，我哋就決定去食晚餐，順便喺附近行吓街💡海老明太子西蘭花，餐廳喺條配醬汁上嘅味道特別，令到大蝦同埋西蘭花嘅味道更加夾，每一隻蝦都非常大隻，爽口彈牙，西蘭花亦好食，鍾意呢一個小菜，因為本身個人嚟講好鍾意食蝦，覺得佢係成個配搭上做得幾好！💡即製大阪燒，熱辣辣嚟到，睇得出真係即叫即做，而且加咗豆腐，甘筍同埋杏鮑菇，令到成個大阪燒嘅口感更加提升，細細份非常好，可以試多幾種唔同嘅嘢食，因為餐廳嘅小菜真係做得唔錯！💡安格斯節瓜卷配自製洋蔥蘋果醬，呢個簡直食到fusion菜味道，非常推介，佢嘅自製洋蔥蘋果醬汁非常特別，令到成件節瓜卷味道提升！！！送飯一流，而且節瓜唔會掩蓋到成個牛肉嘅味道，成個口感非常balance, 呢一個非常出色，值得大家可以叫！甜品都非常出色，如果鍾意食甜品嘅朋友都可以試吓呢一間餐廳嘅甜品，我哋就叫做一個set，佢喺擺盆上非常有心思，個人嚟講幾鍾意食佢嘅奶茶雪糕，非常香濃嘅味道，而且好少喺出邊可以食到奶茶味道嘅雪糕，佢嘅
💡海老明太子西蘭花，餐廳喺條配醬汁上嘅味道特別，令到大蝦同埋西蘭花嘅味道更加夾，每一隻蝦都非常大隻，爽口彈牙，西蘭花亦好食，鍾意呢一個小菜，因為本身個人嚟講好鍾意食蝦，覺得佢係成個配搭上做得幾好！
💡即製大阪燒，熱辣辣嚟到，睇得出真係即叫即做，而且加咗豆腐，甘筍同埋杏鮑菇，令到成個大阪燒嘅口感更加提升，細細份非常好，可以試多幾種唔同嘅嘢食，因為餐廳嘅小菜真係做得唔錯！
💡安格斯節瓜卷配自製洋蔥蘋果醬，呢個簡直食到fusion菜味道，非常推介，佢嘅自製洋蔥蘋果醬汁非常特別，令到成件節瓜卷味道提升！！！送飯一流，而且節瓜唔會掩蓋到成個牛肉嘅味道，成個口感非常balance, 呢一個非常出色，值得大家可以叫！
甜品都非常出色，如果鍾意食甜品嘅朋友都可以試吓呢一間餐廳嘅甜品，我哋就叫做一個set，佢喺擺盆上非常有心思，個人嚟講幾鍾意食佢嘅奶茶雪糕，非常香濃嘅味道，而且好少喺出邊可以食到奶茶味道嘅雪糕，佢嘅特濃抹茶三文治，啱晒鍾意食綠茶嘅朋友，中間嘅綠茶蛋糕都非常好食，成個組合非常好，咩都有少少，可以試多幾款唔同嘢！
餐廳嘅餐牌有心思，下次返嚟試吓佢嘅天婦羅蔬菜餅，同埋即製清酒煮蠔！！而且店員都非常客氣，同埋有禮貌，大家不妨支持下小店！
張貼
