京都勝牛 (AIRSIDE)

營業中

休息中

諗住睇演唱會前食d嘢，所以同朋友去咗Airside嘅「京都勝牛」。餐廳裝修走簡約和風路線，座位寬敞。服務都幾貼心，會主動介紹食法。四品牛魔御膳呢個set真係抵食！一次過試到四款唔同部位嘅吉列牛:醬味薄牛 - 預先醃製帶微甜殼飼西冷 - 油花最豐腴菲力牛 - 肉質最柔嫩翼板牛 - 口感最豐富上枱時牛肉大約三成熟，跟餐會配個塗滿牛油嘅迷你鐵板，可以自己調校生熟程度。我個人就最鍾意煎到7成熟，外層微焦脆口，內裡保持粉嫩多汁！每款牛肉都係即叫即炸，外層金黃酥脆，入面保持粉嫩。跟餐有六款唔同嘅蘸料，我最鍾意咖哩同燒肉醬汁，配牛肉好夾！熟成厚切豚肉鍋膳嘅豚肉厚切得嚟唔會韌，湯底清甜，配料有雞蛋同洋蔥，好豐富。椰菜沙律可以無限refill，新鮮爽脆。味噌湯用鰹魚熬製，鮮味十足。期間限定果物冰茶嘅時計柑橘（熱情果+柑橘）酸甜平衡得好好，熱情果香氣突出。果物冰茶（白桃+菠蘿+紅茶）清新得嚟唔會太甜，白桃味好出。甜品嘅沖繩黑糖雞蛋布丁用日本蛋製作，口感超滑，黑糖味濃唔會太甜。特濃抹茶小豆流心蛋糕 嘅抹茶味真係好濃郁，切開有流心效果，配紅豆好match。