黑木亭居酒屋 (金馬倫道)

Weekday 即興約朋友又想食日式放題，臨時Walk in， 去到已經full晒，好彩店員叫我地等咗一陣就有位。樓梯入到去，瞬間就感受到滿滿嘅日本居酒屋風格，環境氛圍好有Feel，令我更期待。餐廳分座位區同自助吧，自助吧選擇多，有沙律、生果、壽司、手卷、甜品、老火湯同熟食區，擺放整齊，乾淨衛生，食物不定時補充，保證新鮮。熟食方面，蒜蓉粉絲元貝嫩滑鮮甜，蒜香十足，炒蜆和炸餃子都唔錯。如果想食麵，亦都有黑松露炒意粉。串燒經QR code落單，種類多，推介以下幾款：1.燒雞皮：香脆乾身，仲保留少少油脂，火喉到位。2.一口牛脷：厚度啱啱好，鹽胡椒調味簡單，嫩滑多汁，牛味濃郁。3.荔枝豚肉卷：豚肉包住荔枝肉，鹹甜交錯，口感層次豐富。4.燒雞翼：大雞翼燒到乾身但嫩滑，啖啖肉，特別飽肚。飲品選擇多，紅白酒、啤酒、冷熱清酒、凍梅酒樣樣齊，仲有檸檬茶、冬瓜茶同烏龍茶任攞，甜品櫃有蛋糕、雪糕、雪條無限量供應，絕對滿足晒甜品控。食完串燒之後，甜品櫃仲有蛋糕、雪糕、雪條任攞，全部無限量供應。總結，呢間居酒屋性價比高，款式豐富，鍾意日式居酒屋嘅朋友絕對唔好錯過！