鳥福 (已結業)

今次幫襯了一家紅磡的日式串燒店，性價比高，點了4款串燒加1款小食，都出色。呢碟叫做"名物"岩鹽燒手羽先，其實即係燒雞翼，肉質嫩滑而且又燒得夠乾身，唔怪之得係推介串燒菜式啦。呢碟叫做"人氣"南蠻汁燒日本冰豆腐，都係推介串燒菜式之一，又真係唔錯，D冰豆腐吸收咗D南蠻汁，幾好味，清清地唔洗全部都係肉。呢碟係燒豬大腸，燒得外脆內軟，煙煙韌韌咬下咬下都幾好味。呢碟係燒菠蘿，菠蘿外層有薄薄一浸蜜糖燒到好似脆皮咁，呢碟係咁多樣野食之中最好食。小食就試咗豬耳，佢呢個豬耳唔係平時切成絲嗰D，而係連住小小豬頭肉的，口感同味道都唔錯。