影片
更多
2019-06-10
1895 瀏覽
前排有朋友從外國返嚟，指名話要食呢間店，細問之下原來係朋友留學時一個居港的日籍同學介紹，日本人都推薦即刻令我好奇心大增。一入門口有個充滿日本風味的串燒吧檯，單看師傅氣定神閒，專注燒烤嘅態度，令我期待感更高！轉頭瞥見一個小黑板，有些推薦食物款式，留意番有不少菜式需要事先預約，相信都幾多熟客仔幫襯。雞肉大蔥的雞肉烤得香脆，中間夾著一塊大蔥令口感更多層次，鮮甜多汁而且一D都唔油膩，師傅火喉掌握得好好。芝士釀雞翼嘅雞皮好酥脆，有點類似KFC嘅薄皮雞翼，但更酥更香又唔油。肉質同樣非常鮮嫩，食釀雞翼啖啖肉真係好爽，只係芝士控表示入面芝士再多少少就更正，而家芝士味唔太突出。一般日本餐廳嘅茄子都係天婦羅嘅方式烹調，所以見到燒茄子串好開心。烤過嘅茄子都係抵擋唔住顏色嘅化學變化，鮮豔嘅紫色已不復返，調味夠香可惜稍為乾左少少。朋友點左一份蒲燒鰻魚，鰻魚肉質非常細膩，冇土味亦都冇腥味。不過講到我最鍾意嘅一款食物，我諗就係呢一道燒鵪鶉蛋，細細粒嘅鵪鶉蛋燒得表皮微黃，加上醬汁，咬落去非常甘香。怕單叫串燒會吃不飽都可以order主食，凍稻庭烏冬配上簡單的海苔絲、高湯、蔥絲同鵪鶉蛋一齊食已經好好味，整體的味道清清淡淡
一入門口有個充滿日本風味的串燒吧檯，單看師傅氣定神閒，專注燒烤嘅態度，令我期待感更高！
轉頭瞥見一個小黑板，有些推薦食物款式，留意番有不少菜式需要事先預約，相信都幾多熟客仔幫襯。
雞肉大蔥的雞肉烤得香脆，中間夾著一塊大蔥令口感更多層次，鮮甜多汁而且一D都唔油膩，師傅火喉掌握得好好。
芝士釀雞翼嘅雞皮好酥脆，有點類似KFC嘅薄皮雞翼，但更酥更香又唔油。肉質同樣非常鮮嫩，食釀雞翼啖啖肉真係好爽，只係芝士控表示入面芝士再多少少就更正，而家芝士味唔太突出。
一般日本餐廳嘅茄子都係天婦羅嘅方式烹調，所以見到燒茄子串好開心。烤過嘅茄子都係抵擋唔住顏色嘅化學變化，鮮豔嘅紫色已不復返，調味夠香可惜稍為乾左少少。
朋友點左一份蒲燒鰻魚，鰻魚肉質非常細膩，冇土味亦都冇腥味。
不過講到我最鍾意嘅一款食物，我諗就係呢一道燒鵪鶉蛋，細細粒嘅鵪鶉蛋燒得表皮微黃，加上醬汁，咬落去非常甘香。
怕單叫串燒會吃不飽都可以order主食，凍稻庭烏冬配上簡單的海苔絲、高湯、蔥絲同鵪鶉蛋一齊食已經好好味，整體的味道清清淡淡，配串燒一起食啱啱好。
食串燒當然唔可以少得酒啦，我同朋友分別叫咗梅子酒（HKD68）同蜜柑酒（HKD55），酸酸咪咪，非常解油膩。
好嘅串燒由調味到火喉控制決一不可，難得遇到用心嘅店家，價錢亦唔算特別貴
張貼
