影片
更多
2015-07-16
681 瀏覽
朋友唔開心, 想食返d好野, 大家都喺中環返工, 就決定過黎呢頭搵野食同relax下.地鐵站出黎一路行去海邊散散心, 最後見成條街呢間都幾多人野食應該都ok, 睇埋menu原來係食omakase, 就黎左呢度落腳.成間舖都幾full, 我地無book位, 坐左最後兩個位~ 有得揀食a la carte 定omakase. 既然一場黎到, 就試下omakase 啦~晚餐omakase有兩個選擇, 通常見親omakese都起碼過千先落到樓, 呢度則分別是HKD888和HKD680的.Omakese講求不時不食, 由師傅發辦選取時令食材. 我們都點了HKD888的那個餐, 只知道菜式會有三款前菜, 生蠔, 5 款sashimi, 湯, A5和牛, 燒魚, 天婦羅, 5 款sushi, 和水果. 真正食D咩就要等佢上菜先知啦~第一道菜是旬前菜三點, 有溫泉蛋+海膽, 日本茄子, 和波菜. 茄子用上了特製醬汁令茄子更滑, 再加上魚子質感更豐富. 波菜配上日本菊花, 有波菜味道之外有少少菊花酸味, 都幾清新. 溫泉蛋+海膽做前菜就直頭正啦, 亦比想像中夾 =)然後是生蠔, 生蠔本身起左肉, 肉質肥
地鐵站出黎一路行去海邊散散心, 最後見成條街呢間都幾多人野食應該都ok, 睇埋menu原來係食omakase, 就黎左呢度落腳.
成間舖都幾full, 我地無book位, 坐左最後兩個位~ 有得揀食a la carte 定omakase. 既然一場黎到, 就試下omakase 啦~
晚餐omakase有兩個選擇, 通常見親omakese都起碼過千先落到樓, 呢度則分別是HKD888和HKD680的.
Omakese講求不時不食, 由師傅發辦選取時令食材. 我們都點了HKD888的那個餐, 只知道菜式會有三款前菜, 生蠔, 5 款sashimi, 湯, A5和牛, 燒魚, 天婦羅, 5 款sushi, 和水果. 真正食D咩就要等佢上菜先知啦~
第一道菜是旬前菜三點, 有溫泉蛋+海膽, 日本茄子, 和波菜. 茄子用上了特製醬汁令茄子更滑, 再加上魚子質感更豐富. 波菜配上日本菊花, 有波菜味道之外有少少菊花酸味, 都幾清新. 溫泉蛋+海膽做前菜就直頭正啦, 亦比想像中夾 =)
然後是生蠔, 生蠔本身起左肉, 肉質肥美鮮嫩, 海水味唔算重, 加埋上面d蔥一齊食好清新.
Sashimi 到~~ 有牡丹蝦, toro, 左口魚, 赤貝, 帆立貝~ 全部都新鮮, 最鍾意都係toro, 唔肯定係otoro定係chutoro, 不過肯定嘅係唔駛咬佢自動會溶喺口, 又唔膩.
Sashimi 後就到海鮮湯~ 是用茶壺盛載~ 入面有魚, 冬菇等, 清得黎好鮮甜. 可以清一清味蕾先再繼續食~
鹿兒島A5和牛, 見到已經食指大動~!! 個邊少少燒過, 中間油脂分怖比例好平均, 油花細緻雪白, 脂肪纖細, 質地柔軟, 肉質幼嫩. 生食就更原汁原味, 牛肉味濃, 易於溶化在口腔之中.
食到呢度已經好滿足, 呢個時候熱食都上埋喇~ 燒魚是燒吞拿魚下巴, 個樣同感覺都有D似牛骨髓咁一大條粗骨頭, 中間係好嫩滑嘅肉. 呢個燒吞拿魚下巴外香內嫩, 有豐富油香, 魚肉的質感很嫩滑, 強烈推介~!!
Tempura 有蝦, 秋葵和海膽卷. 海膽卷為成個tempura帶來驚喜. 炸完都仲可以咁觧嫩又唔油膩, 讚.
最後一道主食, 係sushi~ 由左至右分別是伊左木, 油甘魚, 池魚, 喜知次, 馬糞海膽, 差點吃不下. 手握壽司飯量剛好, 飯夾起後都不鬆散. 伊左木比較腍身, 喜之次肉質細嫩富膠質, 清爽帶點嚼勁, 海膽軍艦是厚厚的幾層鮮甜海膽.
最後是靜崗蜜瓜, 比甜品可能還甜的水果作結.
食完真係捧住個肚... haha~ 開頭見到HKD680同HKD888 嘅分別只係HKD888多D前菜, 多隻生蠔, 多兩款sashimi, 多兩款sushi, 同埋甜品同水果之別, 不過因為隔離枱點了HKD680果個餐, 我地上菜時間又差唔多, 先發覺原來唔同價錢其他食材都唔同, 好似燒魚同湯咁, 總覺得我地果D好似好味D =P差不多完成整頓晚餐時與服務員談了一會, 佢地話食材都是日本直送的, 大部分都是從北海道來, 大概一兩天便入一次貨, 通常weekdays 都不會keep 太多食材, 慕求令食材維持最新鮮狀態. 不過佢地話如果有special request 都可以講定, 可以幫食客預訂食材或reserve 定.
張貼
