影片
更多
2024-03-30
20 瀏覽
《鮨燐 -尖沙咀》早排因為我同朋友都忙，少左出黎「搵錢」。咁難我約到就食好少少，我地去食Omakase！其實近幾年Omakase已經唔算係好貴嘅消費，我記得十年前我仲係做細果陣，一定係跟老細先食到，一位$2000-3000起跳。而家一千樓下的Omakase大有人在，今日呢間就係其中性價比高嘅選擇。$600-700就食到。今晚我揀$736，13件壽司連一件手卷既套餐，有齊前菜、茶碗蒸、壽司、手卷、湯同甜品，做足俾你。壽司13件：蜜柑鯛、北海道帆立貝、深海池魚、赤貝、新鮮銀鱈魚、梭子魚、北海道牡丹蝦、北海道馬糞海膽、大トロ、赤身醬油漬、左口魚裙邊大家都知Omakase係由淡食到濃，食完前菜開左胃，清左味蕾就黎呢個蜜柑鯛，我覺我呢個開頭好好，亦都冇俾人感覺有好多人所感覺到Omakase成日「打斧頭」嗁感覺。由於飼料中用上了蜜柑果皮，所以魚味淡淡清新，細嚼後會感受到隱隱的柑味，好開始！黎食Omakase佢用好食材係基本，Omakase的好壞分別於配搭同調味，好似帆立貝、深海池魚以鮮見稱，只要加少少青檸汁同傳統自家醬油就無敵，問題係你出去食大量制作果D冇人會作出人性化調味。所以就算食材都係用貴野
早排因為我同朋友都忙，少左出黎「搵錢」。咁難我約到就食好少少，我地去食Omakase！
其實近幾年Omakase已經唔算係好貴嘅消費，我記得十年前我仲係做細果陣，一定係跟老細先食到，一位$2000-3000起跳。而家一千樓下的Omakase大有人在，今日呢間就係其中性價比高嘅選擇。$600-700就食到。今晚我揀$736，13件壽司連一件手卷既套餐，有齊前菜、茶碗蒸、壽司、手卷、湯同甜品，做足俾你。
壽司13件：
蜜柑鯛、北海道帆立貝、深海池魚、赤貝、新鮮銀鱈魚、梭子魚、北海道牡丹蝦、北海道馬糞海膽、大トロ、赤身醬油漬、左口魚裙邊
大家都知Omakase係由淡食到濃，食完前菜開左胃，清左味蕾就黎呢個蜜柑鯛，我覺我呢個開頭好好，亦都冇俾人感覺有好多人所感覺到Omakase成日「打斧頭」嗁感覺。由於飼料中用上了蜜柑果皮，所以魚味淡淡清新，細嚼後會感受到隱隱的柑味，好開始！
黎食Omakase佢用好食材係基本，Omakase的好壞分別於配搭同調味，好似帆立貝、深海池魚以鮮見稱，只要加少少青檸汁同傳統自家醬油就無敵，問題係你出去食大量制作果D冇人會作出人性化調味。所以就算食材都係用貴野，你都食到帆立貝鮮甜，都做唔到Omakase的細緻。亦冇可能調教醋飯配合魚生味道，所以要黎食囉～
我特別想講下銀鱈魚同北海道馬糞海膽，新鮮銀鱈魚我諗你喺香港真係少見，銀鱈魚壽司我都係第一次食。食落原來係軟滑而冇熟左咁好易散。而且都好有油香，係銀鱈魚獨有嘅香味，師傅用左柚子胡椒做左個主題，呢個係我今晚MVP。
而馬糞海膽上果陣朋友一直望住我，因為佢知我唔食海膽，佢等緊我俾佢食！我俾7舊幾水黎食我會唔食？我唔會中佢計！原來佢之前黎過一次，佢知個海膽好好食，想呃我件海膽黎食！我唔食海膽都覺得好好食！我發覺我唔係唔食海膽，我只係好難搵到我入到口嘅海膽，呢個係得到我認證！會encore！
最後讚下個柚子雪葩，好食！唔忽略細節，抵讚！
張貼
