手拉麵小廚

營業中

休息中

好少會嚟到新蒲崗食嘢，今次朋友帶路介紹呢度一間小店食上海菜。鋪頭唔大間，位亦唔多，繁忙時間都要搭枱，係一間幾受歡迎嘅街坊店舖。🥢小籠包係門口有透明櫥窗睇到師傅即場包小籠包，唔係工場交貨，期待值已經滿分。因為係即叫即蒸，叫完等咗一陣小籠包先上，上到枱熱辣辣出哂煙。一籠有5隻，每隻都大大粒，咬開勁多湯汁，好正好味道！🍜羊肉湯拉麵拉麵都係師傅即場手拉，人手拉嘅關係，麵會粗幼不一，食落彈牙有口感，又唔會煮到好淋。羊肉片同湯底好香同好濃羊味，份量都大碗！