影片
更多
2023-08-01
83 瀏覽
《卜卜餃子店 (深水埗)》細細個曾經短住過一排深水埗，住得呢度又點會對西九龍中心陌生，利伸我就未見過部過山車開嘅(扮下年青先)，雖然好多連鎖台開始進駐左呢度，但仍然有唔少隱世小店值得我地去發掘同支持😍今日我就去左一間本地新鮮製作嘅小店買佢嘅餃子，唔好食嘅我唔推介，見到我推介嘅即係好食😋今晚有大有細，一於蒸夠兩盒，唔算好大食嘅我地應該夠哂數！🐷四拼豚肉餃見我鍾意食放題同車仔麵就知我份人比較貪心，咩味道都想試下。見到四拼都合哂我心意，每樣味都有得試下，試啱左下次就專攻果隻味哈哈。四拼分別有蟹子﹑紫菜﹑甜梅菜同埋芹菜芫茜。我一開始都會諗生蟹子我就食過，熟左嘅再放埋落餃子做餡唔知會係咩口味，我拎呢包嘅時候都係抱住獵奇心態，點知味道同口感出乎我意料之外，食落去有蟹子嘅爽口嗦嗦聲加埋新鮮豬肉軟中帶脆，係我會番頭再買嘅一款。另外再想推介嘅就係甜梅菜，我覺得佢吸引我嘅反而係個甜味，同埋令我諗起細個婆婆會自己係屋企醃啲家鄉梅菜，係果隻味啦！紫菜同芹菜芫茜都係穩陣之選，四款口味都係出色嘅！🥟雙拼豚肉餃貪心的我又叫老闆推介左另一款雙拼，又可以滿足我兩個願望🤣呢兩款就係比較少有同埋特別口味，有麻辣旺菜同埋泡菜
細細個曾經短住過一排深水埗，住得呢度又點會對西九龍中心陌生，利伸我就未見過部過山車開嘅(扮下年青先)，雖然好多連鎖台開始進駐左呢度，但仍然有唔少隱世小店值得我地去發掘同支持😍今日我就去左一間本地新鮮製作嘅小店買佢嘅餃子，唔好食嘅我唔推介，見到我推介嘅即係好食😋今晚有大有細，一於蒸夠兩盒，唔算好大食嘅我地應該夠哂數！
🐷四拼豚肉餃
見我鍾意食放題同車仔麵就知我份人比較貪心，咩味道都想試下。見到四拼都合哂我心意，每樣味都有得試下，試啱左下次就專攻果隻味哈哈。四拼分別有蟹子﹑紫菜﹑甜梅菜同埋芹菜芫茜。我一開始都會諗生蟹子我就食過，熟左嘅再放埋落餃子做餡唔知會係咩口味，我拎呢包嘅時候都係抱住獵奇心態，點知味道同口感出乎我意料之外，食落去有蟹子嘅爽口嗦嗦聲加埋新鮮豬肉軟中帶脆，係我會番頭再買嘅一款。另外再想推介嘅就係甜梅菜，我覺得佢吸引我嘅反而係個甜味，同埋令我諗起細個婆婆會自己係屋企醃啲家鄉梅菜，係果隻味啦！紫菜同芹菜芫茜都係穩陣之選，四款口味都係出色嘅！
🥟雙拼豚肉餃
貪心的我又叫老闆推介左另一款雙拼，又可以滿足我兩個願望🤣呢兩款就係比較少有同埋特別口味，有麻辣旺菜同埋泡菜芝士☺️ 近年香港興起左米線同埋台式火鍋熱潮之後，本人對於麻同辣嘅接受程度高左好多！同埋自己搬左出嚟住，雪櫃總會有一盒泡菜同芝士片看門口，所以對於呢兩款餃嘅口味完全唔會覺得陌生🤣 麻辣口味算係入門級，細路都食到！芝士唔會太膩同埋泡菜味都無好搶，非常夾！
另外好值得分享嘅係佢嘅餃子皮真係好煙韌，厚薄適中。今次我選擇左用蒸嘅方法炮製啲餃子，本身怕細路食少少就嫌淡要點呢樣點果樣，點知佢地一起手成餐餃子宴乜都無點就停唔到口係咁食🤣 煮餃子另一樣問題係好多時唔知自己食左咩味，仲有咩味未食，但係一咬左落去就返唔到轉頭。個人嚟講唔係太喜開盲盒，今次蒸完出嚟我直頭嘩一聲齋睇都已經知邊隻打邊隻，證明係真材實料皮薄饀靚！
呢間鋪頭係西九龍中心9樓小巷入面嘅鋪頭，坐升降機去到9樓見到酒樓轉右對正果一行行到尾就會見到呢間咁用心製作嘅小店。大家記得多多支持！
食物質素 ⭐️⭐️⭐️⭐️⭐️/5
性價比 ⭐️⭐️⭐️⭐️⭐️/5
地址: 深水埗欽州街37號西九龍中心9樓9113號舖
#cantonese #handmade #dumplings #hongkong #asianfood #hkfoodie #hkfoodblogger #hkfood #foodblogger #hk #hkig #hkigers #hkfoodblog #hkfoodstagram
四併豚肉餃
4 瀏覽
0 讚好
0 留言
雙併豚肉餃
0 瀏覽
0 讚好
0 留言
四拼配雙拼豚肉餃
0 瀏覽
0 讚好
0 留言
張貼
