古琴雅苑 (譽發廣場)

營業中

休息中

見到有新店開張，有超抵新開張優惠，4位或以上就送半隻烤鴨🤭即刻嚟試吓～招牌北京烤鴨，現場片鴨，新鮮熱辣。片完即上，烤鴨個皮好脆，配料有青瓜、京蔥、最特別係有哈蜜瓜，醬料就有甜麵醬同埋蜂蜜黃梅醬，啲配料中和返烤鴨個油膩感，好解膩，又可以食多幾舊。除咗烤鴨，每次都會叫蜜汁火方，有塊荷葉包包住塊蜜汁火腿，有啲似中式漢堡包😂好好味。另外叫咗個至尊拼盤、鮑魚小炒肉、椒鹽黃魚、雪菜年糕。新店環境寬敞啲，地點都好方便，地鐵站出口行1分鐘就到。