陳儀興飯店 (崇齡街)

營業中

休息中

早兩晚約左個舊同學食飯，兩個麻甩佬、男人的浪漫，去左新蒲崗食中式晚餐。一入去個伙記已經推介食避風塘炒蟹，我們都叫左一個唔辣既試下，另外亦叫左避風塘炒蜆、大漠牛肉粒同豬大腸配墨魚，兩個人四個餸，應該相當夠飽。當然啤酒、汽水少不了。首先來的是避風塘炒蜆，雖然有少少辣，但蜆肉仍然好鮮甜，好肥美，蜆入面仲有汁，唔會覺得乾，作為前菜，送酒一流。再來是打冷檔的豬大腸配墨魚，豬大腸通得夠乾淨，腸壁夠厚肉，滷水夠入味，正。墨魚夠爽夠脆，點埋潮州辣油，好食。再來是大漠牛肉粒，牛肉好淋，唔會乾爭爭，而且仲有腰果同豆角，加埋辣椒，非常野味。最後係重點既炒蟹，外面非常野味，但蟹殻入面仍然好鮮甜而且好多蟹汁，而且隻肉蟹好多肉，蟹身、蟹鉗、連蟹腳都食埋，超正。總結而言，非常出色的香港風味，三五知己吹水好去處。