潮盛館

營業中

休息中

新年去親戚度拜年，諗住隨便落街食個晚餐，親戚話有朋友介紹呢間潮州菜館好好食，但係佢都未試過，咁就一於去試吓啦。一去到估唔到已經坐滿晒客人，而且佢新年都冇加價，非常值得欣賞。等咗一陣就有位啦，雖然佢好多人，但係座位都唔會太迫，坐得好舒服。首先，我哋就叫咗個藤椒魚皮，估唔到咁大碟，而且味道都好好，辣辣地好開胃，就連小朋友唔食得辣都忍唔住係咁食。我覺得最抵讚嘅，就係呢個足料燉湯。佢嘅價錢唔算好貴，但係好足料，而且飲落一啲味精都冇，仲平過自己煲啊。另外，呢個鵝肉醬油炒飯都好出色，佢嘅飯炒到粒粒分明，食落好乾身，而且有鵝油嘅味道，雖然佢好大碟，但係都忍唔住食晒呀。呢度最出名好似係食滷水，所以我哋都叫咗個滷水雙拼，佢嘅海蜇真係好出色，食落好彈牙，而且辣辣地又係好開胃。呢間餐廳又平又抵食，而且食得出佢係好正宗嘅潮州味道，非常推薦大家嚟試吓呀。