港久新街 (已結業)

打風兩日冇出街食飯，今日收工即刻搵吓有咩新餐廳試吓，尖沙咀地鐵站附近搵到呢間新潮大排檔。地方光猛，都幾闊落，裝修好新淨。見佢都幾旺場，大部份梳化位都已經留坐。因為沒有訂枱，就被安排坐中間一排的長枱。不過侍應都好好，幫我哋換咗兩張有靠背的座椅。餐廳食物都幾多元化，除咗大排檔小炒，仲有串燒，同埋潮州滷水，冷盤等等。既然係咁，就每個類別到試吓：滷水鵝片 拼 滷水鵝肝 $148 做得好好，同潮州菜館食的一樣，鵝肝就切得比薄身，但係總體味道唔錯，墊底的豆腐都好好食。沙茶醬芥蘭炒A5和牛 $138 這個港式小炒很有大排檔風味，得惹味，很好下飯。花雕醉雞 $88 一上桌已經聞到好香花雕味，份量亦都頗多，酒味香濃，但略嫌唔夠鹹。錫紙焗花蛤 $68 好多蒜蓉，好香，又係好惹味的一款小食，好適合送啤酒。呢餐咩都試吓，都幾滿足，如果下次再嚟就會主打食大排檔小炒，因為見到人哋食咕嚕肉，椒鹽鮮魷都好似唔錯。