港久新街

營業中

休息中

尖沙咀新开慨港式大排档主题餐厅，占地5000呎，将八九十年代走鬼档融入店内装潢，呈现绿色铁皮及帆布帐篷茶档特色，玩味感十足!姜汁豚肉丼的味道通常以咸鲜为主，带有姜的微辣和清香。姜汁的加入不仅去除了豚肉的腥味，还增添了独特的香气。酱汁的甜味与姜的辣味相互平衡，整体口感丰富。豚肉经过腌制和烹饪后，肉质鲜嫩多汁，与米饭搭配，带来温暖和满足感。整体上，这道料理味道层次分明，姜香突出，咸鲜微甜，非常开胃。鳗鱼丼的味道以咸甜为主，鳗鱼经过烤制后外皮微焦，肉质鲜嫩，带有独特的烟熏香气。酱汁通常由酱油、味醂、糖等调制而成，甜中带咸，浓郁且富有层次感。米饭吸收了鳗鱼和酱汁的香味，口感软糯，与鳗鱼的油脂完美融合。整体上，鳗鱼丼味道丰富，既有鳗鱼的鲜美，又有酱汁的浓郁，搭配米饭后口感平衡，是一道令人满足的料理。

肚餓搵嘢食，好彩唔駛行勻港九新界，喺尖咀搵到間港久新街新派大排檔～ 環境繽紛又寬敞舒適，好適合大夥人開大派，免費切餅開瓶，最緊要係唔限時～ 午市套餐有昆布豆腐麵豉湯、凍/熱餐飲、一碗丼飯～ 價格都係$62！不過最重要都係要好食～蒲燒鰻魚丼套餐 ⭐️⭐️⭐️⭐️⭐️蒲燒鰻魚又長又厚身，而且燒得肉嫩鮮味，絕對值得一食～ 飯底係中身長米，粒粒分明，加咗蒲燒汁、豉油、七味粉、飯素、蛋絲，撈埋撈埋，淨係齋食飯都超香口～ 竟然咁抵嘅價錢可以食到咁有質素嘅大排檔蒲燒鰻魚飯，不得了～ 昆布豆腐麵豉湯⭐️⭐️⭐️第一次見，麵豉湯竟然爆滿豆腐～ 豆腐係布包豆腐，質感比較厚實～ 貫徹大排檔要抵食夾大件嘅主張，包食飽飽～凍檸茶⭐️⭐️⭐️⭐️茶底清香，甜度適中～ 沖得好飲，無揸流攤㗎喎～

年廿九同家人在這裏食團年飯，有兩位老人家，體貼的經理幫我安排了一個舒適的位置，一向對食點有要求的老人家都覺得唔錯，食物方面，有驚喜，睇得出是用心製作，喺其他餐廳唔會輕易見到呢啲菜式，👍🏼🐠最欣賞是骨脆多寶魚，一魚兩味，此菜式睇得出需要功夫，老人家食到舔舔脷，花膠螺頭燉竹絲雞湯，簡直超水準，飲了一啖已經覺得零舍不同，兩位老人家飲到好感動，因為係家中煲唔到咁好嘅湯，預訂菜式雖然出咗少許問題，但係欣賞店方坦誠及誠懇提出解決方法，值得推介給其他朋友。

間舖嘅設計風格係大排檔風🤣，間舖嘅主色調都幾鮮艷下，地方又大座位安排得又闊落，兩個人入到嚟安排咗卡位俾我坐，就咁睇落個卡位都可以坐到六個人。（唔係常見嗰種 淨係坐得四個人嗰種卡位）間鋪係QR code落單嘅，入面嘅員工（感覺應該係經理，短頭髮嘅女仔睇落去好斯文）幫我哋落單，服務幾周到。叫咗兩個午餐🍱一個鰻魚丼飯同埋牛肉丼飯 都係跟湯（麵豉湯）、額外仲有得嗌嘢飲，出餐都好快唔使等好耐。話說我見到下午茶都幾平$28，仲寫住有無限續杯，依個價錢喺出面都唔係太常見。-牛肉丼飯撈飯嗰個醬汁係類近吉野家嗰種牛肉汁，酱汁甜咸适中，洋葱清甜，額外面頭仲放上咗蔥同日式嘅飯素（日本攞嚟拌飯嘅調味料，有芝麻、紫菜同埋其他粉末），同啲飯撈埋一齊食，超好味。🖤-鰻魚丼飯鳗鱼超長一條，面頭刷上一層鰻魚酱汁，食起來甜甜的，盖在热气腾腾的米饭上，一口鳗鱼一口饭，旁邊仲配搭咗一D雞蛋絲，口感层次丰富。湯係麵豉湯感覺個湯有啲太濃郁，如果淡一啲就更加好啦～嘢飲嗌咗凍檸茶同凍奶茶🧋除咗啲冰有啲多之外，其他都OK ～

位於尖沙咀太興廣場2樓嘅「港久新街」雖然係樓上大排檔，但裝修乾淨企理，俾人一種簡約又有懷舊氣息嘅感覺。餐廳主打多元化菜式，尤其午市推出嘅三款特色丼飯，吸引力十足，價格合理，加埋一杯飲品只需$62。凍飲或者特色飲品需要額外加錢，但整體性價比唔錯。洋蔥肥牛丼牛肉嫩滑，醬汁帶有微甜，配合洋蔥嘅清甜同芝麻七味粉嘅獨特香氣，成碗飯充滿和風特色。而附送嘅味噌湯，暖胃又舒服，特別適合冬天食。蒲燒鰻魚丼更令人驚喜，大大條鰻魚鋪滿飯面，外層蒲燒醬香濃而唔膩，入口軟嫩。雖然平時我唔係特別鍾意食鰻魚，但呢一碗真係成功俘虜咗我嘅味蕾，仲勾起咗當年名古屋旅行時嘅甜蜜回憶。飲品方面，佢哋嘅奶茶有啲紅茶撞鮮奶嘅感覺，帶住絲滑口感，充滿大排檔風味。客人可以選擇加唔加糖，貼心之餘亦帶嚟自由度。整體嚟講，呢度食物質素穩定，服務唔錯，性價比高，適合一家人或者朋友聚餐。 評分：4/5

一大班朋友梗係去大排檔食飯！尖沙咀新開左間以八十年代港式走鬼檔嘅主題餐廳 裝修好復古，有大量圓枱同埋卡位，好似真係去左大排檔咁😍今次同朋友係Lunch黎食，見到丼飯套餐好吸引，蒲燒鰻魚、薑汁豚肉、洋蔥肥牛都有得揀，以上套餐配味噌湯及熱飲價錢都只係$62，好抵食🪱蒲燒鰻魚丼大大條鰻魚配上特製燒汁，外脆帶魚脂甘香，下飯一流，飲仲有加飯素，好味🐮洋蔥肥牛丼洋葱軟淋，肥牛香口，啖啖爆汁，份量都好多，下次會再食

❤️❤️尖沙咀金馬倫道出口一出行幾步就到太興廣場，餐廳地點方便。餐廳佔全層環境好大好chill，係一個室內好舒服既大排檔. 而且座位好舒服，我坐係窗邊梳化卡座，起碼可以坐6人。大玻璃光線充足同時可以望到街景。晚上可以叫幾款小菜配埋啤酒，都幾岩一班人聚會。🏮🍚日式丼飯午餐(配味噌湯及飲品)鰻魚丼: 原條鰻魚好吸引，加埋大量蔥花蛋絲伴碟及味素調味賣相精緻。飯加了很多照燒汁甜甜地幾好味。🐷🍚豚肉丼: 豚肉份量都幾多，肉質嫩滑配飯好好味。味噌湯有豆腐粒及紫菜配料，夠晒熱同味道唔會過鹹，好味。

這間位於尖沙咀的室內大排檔，「港久新街」環境舒適企理😆，裝潢簡約溫馨，色彩繽紛裝修充滿港式風味，難怪一道飯點，餐廳人山人海，很適合與家人朋友來聚會❤️，相當有氣氛‼️✨牛脷芯串燒肉質鮮嫩，外層焦香，內裡保持多汁，充滿牛味✨雞軟骨串燒口感酥脆，有彈性，加上調味剛好很惹味✨蒜香燒元貝加入大量蒜香調味，元貝肉質鮮嫩肥美，配上蒜蓉香味，燒口感鮮甜✨沙茶芥蘭炒A5和牛A5和牛肉質細膩，味道鮮嫩，配搭沙茶醬香味與爽脆芥蘭清香，配搭豐富有口感，很下飯的菜式✨豉椒炒蜆煎米粉底蜆肉飽滿肥美，有鮮味，以鹹香豉椒香辣調味，底層加上煎米粉底，吸收了濃郁醬汁精華，米粉底酥脆而不油膩，相當開胃

❀ 港久新街 #尖沙咀 ❀.尖沙咀新開咗港式大排檔主題餐廳💕食大排檔再唔係污糟邋遢，而係可以喺佔地5000呎嘅懷舊裝修內慢慢嘆🥰提供多款港式經典撚手小炒、海鮮、串燒等等。冬天凍冰冰，仲有暖笠笠嘅無骨羊腩煲！.✷𝑀𝑒𝓃𝓊✷☞ 羊腩煲 $288最欣賞呢個羊腩煲係無骨架😍啖啖肉更滋味。而且肥瘦相間，肉質軟腍，羊皮亦富有彈性，充滿膠原。本身都非常入味，點埋南乳醬就更濃郁。配菜有大量冬菇、冬筍、枝竹、生菜🥬.☞ 半隻當紅炸子雞 $138炸子雞最重要當然係個外皮，呢隻就偏向薄脆，色澤唔錯，如果能夠在香脆啲就更好。雞肉亦算嫩滑，發揮正常👌🏻.☞ 豉椒炒蜆煎⽶粉底 $128好耐冇見過煎米粉，真係簡單又惹味嘅菜式。米粉可以再焦脆少少，但配埋惹味嘅豉汁炒蜆都唔錯😆——————————————————✨整體味道: 4/5 ✨環境裝修: 4/5✨服務態度: 3.9/5✨性價比: 4/5✨再訪興趣: 3.9/5.💞整體來講新派大排檔嘅設計既可以打卡亦讓人食得更舒適，而且無骨羊腩煲真係做得幾好👍🏻幾適合一大班friend嚟聚餐。

最近搵到一間室內新式大排檔，裝修大玩懷舊復古風，經典撚手小炒、海鮮、懷舊菜式呢度都有，仲有好多特色串燒、港式茶記飲品同啤酒，座位舒適又乾淨，有大量圓枱同埋卡位，一大班人去都無問題 .ᐟ.ᐟ餐牌設計得好靚，睇完可以掃 ᴄᴏᴅᴇ 自助落單，見介紹仲可以出去街市檔口自己揀野食。依家經 ᴏᴘᴇɴʀɪᴄᴇ 訂位週末仲有全單 85 折優惠  ·͜· ♡○ 潮 式 滷 水 拼 盤 // $258拼盤好大碟，有豬頸肉、豆腐、墨魚、鵝片、豬大腸、鴨蛋、豬手，全部浸滿香濃嘅滷水，非常入味。○ 串 燒 交 通 燈 // $22三色甜椒好鮮甜，蝦肉超彈牙，配埋甜甜地既濃郁醬汁，令人忍唔住要一啖接一啖 ꒰ ’ ω `ૢ꒱○ 沙 嗲 金 菇 肥 牛 粉 絲 煲 // $128比想像中大煲足料，用瓦煲上菜夠保溫，沙嗲汁濃郁杰身，肥牛大大塊又唔韌，粉絲吸哂濃郁醬汁 + 牛肉嘅鮮味，夾雜爽口金菇，撈飯真係一流 ( ੭ ˙ ᗜ ˙ )੭○ 蒜 蓉 豆 苗 // $78豆苗非常脆嫩，襯埋蒜蓉汁清爽惹味。○ 凍 鴛 鴦 // $20奶茶同咖啡既比例剛剛好，唔會太苦，飲落好順滑。○ 竹 蔗 茅 根 水 // $28清涼解渴，可以平

餐廳走型格大排檔路線，環境舒適有冷氣!!主打高質素大排檔風味料理，每一道都有驚喜!!🔥- 雙冬無骨羊腩煲 HK$288 🐐超暖身之選!!羊腩肥瘦相間，肉質柔軟一咬即化，而且完全無骨啖啖肉，口感非常好!!羊皮滿滿膠原彈性，南乳香味入晒味，仲有大量冬菇、冬筍及枝竹，絕對超滿足!!最後仲可以再加生菜吸盡所有醬汁，超正!!- 潮式蠔仔餅 HK$118 🦪超酥脆必叫!!粉漿超薄功夫了得，炸得超酥脆，啖啖都食到蠔仔鮮味!!超出色!!- 時光倒流煨魷魚 HK$28 🦑佐酒一流!!懷舊小食買少見少，一定要試試!!魷魚乾煨得香口，濃縮鮮味超涮嘴!!調味可選不同辣度，咸咸辣辣絕對大家都爭住食!! 

3個人食左差不多1000元， 酒都冇叫叫左兩碟菜， 其中一個係煮到個菜一patpat既口感…芥蘭最正常個滷水拼盤唔ok…好其怪個墨魚是染料的紅色串燒拼盤更加唔ok..上枱時只係暖而且個串燒牛肉如平時食縮左嘅雞軟骨般細粒， 個豬是so的， 係個燒鱔味道正常 ………3個人， 食唔飽之下都食唔哂啲餸因太不好吃了， 埋單見過到張單要差不多1000 更加嚇一嚇🥲 我是冕上去吃的， 餐廳唔多人佢每枱都有支水， 但是支水個蓋係困左黑邊所以我都放棄了飲水…

方便：尖沙咀地鐵站一出2分鐘就到進食時間：冇限時！黃金地段，大眾化價錢價錢，竟然可以慢慢食，好正！服務：超貼心！本身一早經OpenRice訂座，出席前一日收到餐廳WhatsApp，竟然說WhatsApp訂位有八五折優惠，我不敢相信他們會有這樣的提醒， 十分驚喜。另外餐廳員工服務超好因為他們的好，我們一行十人都說會回頭食這間餐廳😂👍🏻食物品質：味道價錢份量都不錯，加上WhatsApp訂位有八五折，超值👍🏻

有冷氣大排檔享受港式風味🇭🇰 仲有一系列滷水菜式! 好多經典港式大排檔菜式都有，一定有幾味啱你口味👏🏼 裝潢好特別，有好多霓虹燈!雙冬無骨羊腩煲 288: 秋冬季啱食暖胃嘅菜式🍂 鍾意羊嘅朋友一定會鍾意嘅羊腩煲，有齊冬菇及冬筍😚 醬汁好濃 又索汁!! 仲有生菜好豐富✨蒜香燒元貝（隻）$38: 超多蒜蓉🧄 辣辣地好惹味😋 元貝夠大粒又爽彈!!牛脷芯 $38: 超級爽彈🫶🏼 汁燒三文魚腩串 $28: 三文魚腩皮脆肉嫩 夠肥美😝串燒交通燈（3色椒蝦滑）$22: 蝦滑幾香

今日嚟到尖沙咀食午餐，見到呢度樓上鋪有間茶餐廳個名咁得意，就上左黎食😝港久新街！上到嚟環境都好大，七彩顏色既枱凳，令人心情都好d😎午餐餐牌都幾多選擇，而且價錢都算同區嚟講平，有兩餸飯有炒粉麵飯，而我就揀咗$54嘅滷水飯。$54可以揀三種滷味，真係超抵，平時斬料都唔得，仲可以揀鵝肉！滷水飯上嚟嘅時候真係好大份，每一個滷水佢都砍足料！而且我觀察到 無論你叫咩飯佢都會有碟菇炒椰菜🥬真係非常抵食！同埋都包咗嘢飲！午餐值得一試