六如

營業中

休息中

中環L Place有唔少食肆，今次食左呢間新派FUSION中菜館，六如前身係中環三小漁，餐牌上菜式有功夫菜，亦有同一般中餐館不一樣的Fusion。餐廳裝潢幾中式，但每張枱有隻LEGO砌成的擺設，我呢枱有隻粉紅達摩喵陪食，都幾打卡able。① 黑磚豆腐 $18② 百香冰心丹霞 $22前菜點左兩款，豆腐外皮酥脆，內在軟滑，加上炸蒜很惹味。聖女果加上百香果汁，酸甜配搭好清新，很開胃的前菜。③ 鮮麻椒油泡聖子 $198④ 香茅烤椒煎焗生蠔 $112⑤ 六如潮香滷水鵝 $198⑥ 手作糖山冰鎮咕嚕肉 $198碟聖子好似撈起咁，有炸芋頭絲，蔥，洋蔥等，幾特別，唔算好麻。焗生蠔大隻肥美，香茅蒜椒味都幾夾。招牌滷水鵝大大件，而且無用豆腐墊底（但有少少芽菜拉~）每件都滷得入味，肉質唔韌。冰鎮咕嚕肉個酸甜味剛剛好，每件都脆皮，出色。⑦ 桂糖香芒爆珠涼粉 $48很港式的芒果涼粉，加入桂糖爆珠有驚喜，每粒咬開都滲出淡淡的桂花香甜，好有趣。.老實講中環食飯唔平，呢間餐廳價錢說不上抵，但性價比唔錯，有量有質。