芽莊越式料理 (順安閣)

營業中

休息中

芽莊中環好耐之前食過，到太古開咗分店後都時有幫趁。 七點半後去到等咗約三十分鐘有位，肚都打晒鼓所以馬上點菜。香茅豬扒撈檬： 大碗檬粉而豬扒份量都好多，豬扒用香茅醃得入味，撈埋檬汁食好惹味。河內蟹肉檬粉： 色彩鮮艷有大量蕃茄、蟹肉&豬肉碎、蛋餅，湯鮮甜又酸酸咪咪好開胃。牛油雞翼：雞中翼外面炸得香脆，裡面嫩滑有汁，略兼牛油味唔夠出。越式糯米飯：上面有炸乾葱、扎肉、雞絲，而下面有充滿椰汁香味新鮮熱辣糯米飯，撈埋一齊食好滋味。肉丸濱海： 將幼米粉、肉丸、金不換、薄荷葉、紫酥葉、青瓜片放入生菜裡面包住食，好清新。菠蘿冰：估唔到好好味，菠蘿應該煮過味道濃郁，好多菠蘿肉一邊食一邊飲。越式薄餅：一板脆身落餅內有綠豆粒同煎，摺一半放入生芽菜、炒過嘅蝦、洋葱。幾特別，不過有啲油。