麵家

營業中

休息中

呢日經過銅鑼灣，發現咗一間充滿港式情懷嘅麵家🍜，一入到去就俾佢靚靚嘅裝修吸引住，環境乾淨企理又舒適，呢間小店嘅用心之處在於食材嘅選用😎麵條用咗永樂粉麵廠嘅出品，河粉就選用咗七十年老字號雙喜，而湯底更加係自家熬煮嘅雞白湯，地道得嚟又有質素💯秘制慢煮牛腩雲吞麵作為店內嘅招牌菜，呢碗雲吞麵真係無得輸👍🏻牛腩係自家慢煮，用咗崩沙腩嘅部位，炆得好腍好香，每一啖都充滿濃厚嘅肉味🐮雲吞就係用新鮮餡料手工包成，每粒都有鮮蝦、櫻花蝦同埋蝦籽🦐size仲好大粒添，而雞白湯就用咗超過8小時慢火熬製，湯底香濃但清而不膩，飲晒都完全唔口渴🐔我哋亦都轉咗蝦籽麵，海味嘅香氣比平時食到嘅蝦籽麵濃得多，配埋湯底簡直係一絕✨火辣紫薯咖哩牛雜撈麵呢碗麵真係好有創意😆咖哩醬汁濃郁又惹味，辣度非常刺激，而紫薯粒就可以中和返啲辣度🌶️牛雜新鮮夠晒入味，有牛腸、牛肺、牛肚、牛蒡等，當然唔少得介紹嘅就係佢嘅湯🐟呢碗揀咗大地魚雞白湯，層次感比純雞白湯豐富，亦都多少少鹹香味🔥