影片
更多
2024-07-31
130 瀏覽
呢間新派既茶樓真心值得支持既，格局四正又唔會好嘈，重點係食物質素亦都非常高!基本上去呢間茶樓最直接既方式就係去Donki，上電梯後轉左直行就見到商場，之後再直行到尾就得。鵪鶉蛋松露燒賣呢個燒賣真心未見過，係舖頭自家制作，松露味道突出唔會太咸，入面包住既鵪鶉蛋仲要係流心既，真係好考廚師既功夫，食落味道平衡得幾好而且熱辣辣蒸起，絕對比起好多茶樓蒸定一大籠既更新鮮!懷舊灌湯餃呢個真心係好好食而且包裹住所有湯汁，而唔係湯浸餃。之前突登去過北角一間懷舊酒樓食一樣既菜式，只能夠講呢間高質好多而且湯汁都蒸得岩岩好，唔係蒸唔夠熱，出到反o2有好似啫哩咁既口感。食落味道岩岩好，未必需要再加醋，已經食到佢既鮮味!鳳梨咕嚕蝦球另一款個人大愛既菜式，蝦球真係粒粒都好飽滿而且肉質彈牙，咖咕嚕醬汁甜酸適中又唔會太咸，當小菜咁食都得唔一定要食埋飯!牛肉球、鮮竹卷另外仲叫左2款正常茶樓都有既點心，整體都好出色而且都係即叫即蒸，感覺上新鮮同埋熱過平時茶樓既出品，至少我地等左5分鐘左右先食都仲可以keep到熱辣辣!呢間真係會再回頭食同埋希望會多D人啦，呢個質素既點心小菜都已經好少見!
基本上去呢間茶樓最直接既方式就係去Donki，上電梯後轉左直行就見到商場，之後再直行到尾就得。
鵪鶉蛋松露燒賣
呢個燒賣真心未見過，係舖頭自家制作，松露味道突出唔會太咸，入面包住既鵪鶉蛋仲要係流心既，真係好考廚師既功夫，食落味道平衡得幾好而且熱辣辣蒸起，絕對比起好多茶樓蒸定一大籠既更新鮮!
懷舊灌湯餃
呢個真心係好好食而且包裹住所有湯汁，而唔係湯浸餃。之前突登去過北角一間懷舊酒樓食一樣既菜式，只能夠講呢間高質好多而且湯汁都蒸得岩岩好，唔係蒸唔夠熱，出到反o2有好似啫哩咁既口感。食落味道岩岩好，未必需要再加醋，已經食到佢既鮮味!
鳳梨咕嚕蝦球
另一款個人大愛既菜式，蝦球真係粒粒都好飽滿而且肉質彈牙，咖咕嚕醬汁甜酸適中又唔會太咸，當小菜咁食都得唔一定要食埋飯!
牛肉球、鮮竹卷
另外仲叫左2款正常茶樓都有既點心，整體都好出色而且都係即叫即蒸，感覺上新鮮同埋熱過平時茶樓既出品，至少我地等左5分鐘左右先食都仲可以keep到熱辣辣!
呢間真係會再回頭食同埋希望會多D人啦，呢個質素既點心小菜都已經好少見!
張貼
