影片
更多
2022-12-01
37 瀏覽
今日同朋友哩到位於銅鑼灣既哩間日式居酒屋。居酒屋充滿日本風情🇯🇵🏮四周放上清酒瓶、日文招紙及橫幅，臨近聖誕，更添上唔少充滿節日氣氛既裝飾物🎅🏻居酒屋最近推出左聖誕二人餐，而且清酒仲做緊六點後買一送一優惠～🎄聖誕二人餐CIIRISTMAS MENU $1988🦀️前菜：鯷魚醬配蔬菜條坐低之後，店員會先送上用細火爐保溫既鯷魚醬及蔬菜條，蔬菜條包括青瓜、甘筍及白蘿蔔，質感爽脆，鯷魚醬咸香味濃，兩者配搭作為開胃小食真係相當唔錯。🥗松葉蟹肉青蘋果蟹籽沙律沙律份量十足，青蘋果絲相當多，而且味道清甜爽口，松葉蟹肉新鮮，而蟹籽就多到好似個小山丘咁，撈埋一齊食口感豐富。🔸海膽炸豆腐哩個真係不得了❗️豆腐上面既海膽鮮甜creamy，豆腐亦加上海膽醬製成，所以咬開之後會呈現橙黃色，成舊放入口海膽味超濃郁，而且熱辣辣，非常推介👍🏻🔸刺身壽司盛盒磯煮鮑魚、赤蝦刺身、三文魚刺身、黑松露帶子壽司、火炙左口魚壽司、深海池魚壽司係超適合打卡既九宮格擺盤📸️而且每一樣都新鮮高質❗️磯煮鮑魚鮮甜爽彈；赤蝦刺身大隻黏口，超鮮甜；三文魚刺身厚切肥美；黑松露帶子壽司既飯完全比大大粒及帶子包裹住，帶子鮮甜好食；火炙左口魚壽司充滿魚油香，入
居酒屋最近推出左聖誕二人餐，而且清酒仲做緊六點後買一送一優惠～
🎄聖誕二人餐CIIRISTMAS MENU $1988
🦀️前菜：鯷魚醬配蔬菜條
坐低之後，店員會先送上用細火爐保溫既鯷魚醬及蔬菜條，蔬菜條包括青瓜、甘筍及白蘿蔔，質感爽脆，鯷魚醬咸香味濃，兩者配搭作為開胃小食真係相當唔錯。
🥗松葉蟹肉青蘋果蟹籽沙律
沙律份量十足，青蘋果絲相當多，而且味道清甜爽口，松葉蟹肉新鮮，而蟹籽就多到好似個小山丘咁，撈埋一齊食口感豐富。
🔸海膽炸豆腐
哩個真係不得了❗️豆腐上面既海膽鮮甜creamy，豆腐亦加上海膽醬製成，所以咬開之後會呈現橙黃色，成舊放入口海膽味超濃郁，而且熱辣辣，非常推介👍🏻
🔸刺身壽司盛盒
磯煮鮑魚、赤蝦刺身、三文魚刺身、黑松露帶子壽司、火炙左口魚壽司、深海池魚壽司
係超適合打卡既九宮格擺盤📸️而且每一樣都新鮮高質❗️磯煮鮑魚鮮甜爽彈；赤蝦刺身大隻黏口，超鮮甜；三文魚刺身厚切肥美；黑松露帶子壽司既飯完全比大大粒及帶子包裹住，帶子鮮甜好食；火炙左口魚壽司充滿魚油香，入口半化；深海池魚壽司口感爽滑，亦係新鮮厚切，成個盛盒都係好食推介👍🏻
🦞原隻活龍蝦（刺身+甲羅燒/浜燒）
哩個又係不得了，原隻龍蝦肉晶瑩剔透，質感彈牙，上面灑上相當多蟹籽，只係點少少醬油同Wasabi已經好好食！
食完刺身仲有甲羅燒，係座位已經可以望到師傳火炙食物既過程，一燒完即刻送上檯，熱辣辣，充滿蟹膏香，放上梳打餅到食真係啱啱好！
🔥鹿兒島和牛鋤燒/鹽燒時令鮮魚
今日既時令鮮魚係喜知次，淨係鹽燒已經非常好食，肉質鮮嫩，魚油豐富，魚味香濃，鍾意食魚既人一定會好鍾意💕
🍜蜆湯稻庭烏冬
稻庭烏冬幼身彈牙，蜆湯鮮甜，最令人估唔到既係蜆肉相當鮮甜，完全清曬！
🍫甜品：巨蜂提子及朱古力香蕉卷
兩款卷都甜度適中，巨蜂提子卷酸酸甜甜，另一款卷既朱古力同香蕉味都相當突出。
整體黎講，餐廳環境舒適，食物質素相當唔錯，如果聖誕節未諗到同另一半食咩好既話，哩間都係一個唔錯既選擇。
張貼
