ASOK THAI GARDEN

營業中

休息中

店舖位於荃新天地一期，可以由荃灣站或荃灣西站沿着天橋行過嚟，餐廳主打fusion新式泰國菜，環境裝潢簡潔純白，有種渡假既感覺。南薑椰子雞湯湯底既椰子味非常突出，南薑為雞湯加入泰國獨有香味，香餘韻味甚長。雞肉肉質唔柴，加上有酸酸甜甜的蕃茄點綴，是不錯既開胃前菜。冬蔭功大頭蝦意粉風格偏向泰西合璧的意粉，有濃郁既忌廉香甜味和冬蔭功既酸辣味，意粉細長有咬韌，口感很creamy，有兩個超大份量的大頭蝦配搭幾塊蝦尾肉放在意粉的表面，賣相精緻。蛋炒咖喱軟殼蟹 可選擇白飯或薄餅，白飯另上，唔會因長時間浸泡咖哩中而影響口感。軟殻蟹份量相當有誠意，咖哩係黃咖哩，辣度適中，香料味濃郁，炒蛋口感軟滑，食落一大滿足。芒果糯米飯甜筒芒果糯米飯上面放置了一個椰子味的雪糕球，被甜筒覆蓋，芒果新鮮鮮甜，糯米飯混合杏仁粒不論味道和口感都有所提升。