南亭 (凱譽)

營業中

休息中

尋日終於同朋友黎左呢間專門食日式串燒嘅餐廳 - 南亭。餐廳串燒嘅款式好多，搞到樣樣都想食。 燒鵪鶉蛋，細細粒嘅鵪鶉蛋燒到外面金黃色，脆脆地，好甘香。蘆筍豬肉卷將薄薄地嘅豬肉片包住蘆筍攞去燒，因為蘆筍本身水份比較多，燒完都唔會乾。加上豬肉片嘅油包住蘆筍面，咬落又香又多汁，配埋冰凍啤酒仲爽。免治雞肉串d雞肉好嫩滑，連埋d軟骨非常有口感，加上佢本身有嘅調味，甜甜地鹹鹹地幾好食。 串燒鵝肝真係第一次食！燒完嘅鵝肝好香脆，肉質比較乾身，食落冇咁油，幾好食！