紅螞蟻 (已結業)

今日難得同表妹一齊出街玩，行左一陣玩具街，表妹就扭攰話要坐低休息！只好揾個地方坐低等佢好好休息下～咁啱見到南昌站附近開咗個新商場～就一路去果度揾食！最後就揀咗裝修都幾靚既紅螞蟻～紅螞蟻印象中我細細個都已經食開！不過而家個menu好似似西式cafe多d！d座位都幾舒適～ 我地叫咗個風沙單骨雞翼！個脆漿唔厚，調味都好夠味，就算唔點個甜酸醬都已經好味！兒童餐$60小朋友應該個個都中意食兒童餐！呢個兒童餐仲要有好多款小朋友最愛！有八爪魚腸仔，炸粗條薯條，雞翼，肉醬意粉同啫哩！計落分量一d都唔少！