紅螞蟻 (已結業)

星期日一大班老表齊齊相約飯聚🍻唔想食圍菜！提議紅螞蟻食西餐👍原來餐廳三月底租約期滿🙄真係有些可惜😔晚市套餐：海南雞飯雞滑但份量少咗啲煙三文魚蟹棒柳天使麵鐵板經典雜扒泡菜煙肉忌廉意大利粉美國安格斯肉眼扒原條日本鰻魚芝士熔岩飯👍鑊仔牛柳法式露絲瑪莉羊鞍👍蜜糖芥末汁德國鹹豬手豬皮太硬香煎比目魚香蒜辣蜆帶子意大利粉

媽媽慶生飯，最想試佢隻脆皮豬手！🐷脆皮豬手配🍟薯條脆皮好夠脆，味道不錯，份量十足！滿足到媽媽的要求。但薯條太咸同埋可能炸起好耐，有啲油浸嘅感覺😣 🐠香煎魚柳呢個價錢食到咁嘅質素真的很不錯👍🏻魚就份量十足，外脆內軟。我地揀咗配蔬菜，如果可以多幾粒車厘茄或者粟米仔先夠一份蔬菜份量😅 先夠飽肚🤣🦑酥炸魷魚呢個推介，份量夠味道好🥰 價錢又抵食。 另外，仲叫咗牛脷燴意份同埋Carbonara, 唔係set menu 但都好夠食，意粉都整al dente, 唔係茶餐廳腍啤啤質地👍🏻

最後一次慶祝🪅生日🎂，朋友👫搞，book咗紅螞蟻🐜，3成滿，店員安排坐最入，9個人包咗個小corner，唔洗嘈到人，大家share，叫咗薑醋鮑魚飯，鮑魚夠腍入味正，鐵版牛扒🥩夠腍，有牛味，正👍🏻，鑊仔牛柳但用鐵板上，比較韌，北京填鴨pizza，pizza脆，北京填鴨一般，Parma ham pizza，pizza脆，Parma ham都唔錯👍🏻，鐵版豬手，皮脆，內夠味正，可惜表面有芥辣，海南雞飯份量少，凍檸茶ok，白湯皓飲，仲有多士，自己搽牛油。最後上自己買既生日🎂蛋糕🎂，多謝🙏各位慶生🎉。每人除返開$140，皓抵食

虹螞蟻。有水準。黑椒板煎雞扒意大利粉下午茶今次試左黑椒雞板煎扒意大利粉可以選板煎黑椒雞扒/薄牛扒/有骨豬扒配飯/意大利粉 (可選燒汁/黑椒汁) 下午茶嚟講份量算多， 質素可以， 雞扒幾滑唔算太肥， 配上黑椒汁 好好味，還有一隻蛋， 價錢已包熱飲☕️而家外賣優惠有9折，好超值👍深水埗深旺道28號V Walk 2樓L2-29號舖.

「一般嘅紅螞蟻」兄弟生日本身想食中餐，點知打風無開，就諗住去商場食個正正經經飯。二人餐，三百零要求已經唔高，食個餐有牛嘅算係咁🤷🏻‍♂️侍應好風趣咁問我個扒要幾成熟，一心以為有啲好野食，點知出左個快餐扒出黎，我嘅3成變左全熟….不過老實講，佢呢件扒話單點要$198，咁嘅價錢去金鳳都唔會食呢啲野🤷🏻‍♂️餐湯一般，反而個多士好好食👍🏻，沙律另叫$78選左大蝦無選三文魚/牛油果😅食得出啲蝦唔新鮮；主食就淨芝士蕃茄簿餅，個菜就勁多芝士。因為個扒唔掂，又見佢執晒野，甜品都無食就埋單走人🤣🤣仲有，一路食一路流汗，冷氣嚴重不足。

很久沒來南昌v walk，今天再來，想簡單食。結果去了幾年前來過的紅螞蟻食。料不到選擇多，食物味道很不錯。驚喜是三文魚蔥油薄餅，蔥油餅底酥軟，三文魚又足。咖哩豬頸肉飯都好好吃。即磨咖啡不俗。價錢又平，服務都親民。環境衛生尚可。香港餐飲業不是死了，而只是死了那些無服務無態度無心的超標價錢餐廳吧！不要說只有高級食俯才可以好，這些平民餐廳，在北上熱潮下得以延續而多人幫襯，是有理由的。相信仍然有心做飲食的老闆與員工。

～～～～～～～～～～～～～～～～～～～～～～～～～有好豐富的食物🍽️賣相好靚和服務態度好👍🏻已經有好好用餐體驗🤵🏻🤵🏻‍♀️侍應很好地招呼，他們會提供實體餐牌和QR cod落單由於我當時去既時間都比較晏～他們仍然保持一個好好既態度對待客人，值得一讚👍🏻✨螞蟻特選二人套餐精緻的小食拼盤：內有炸物和蘋果沙律，最特別的是有很大粒原隻帶子做炸物，有點驚喜😱忌廉蘑菇雞肉意粉：意粉軟硬適中地吸收了很creammy的醬汁配上蘑菇和嫩滑的雞肉，將味道提升另一層次雞扒飯配（自選醬汁：蒜蓉/黑椒）：醬汁濃郁配上嫩滑雞扒，可以一啖肉一啖飯，將味道提升另一層次甜品所有女生自愛，有彩虹忌廉泡芙，賣相很美麗和可以一口咬到忌廉最特別的一款甜品是外貌似梳乎厘，但裏面原來是芝士蛋糕，質地很柔軟可口而不膩，令你感受到濃濃的芝士香氣，讓嘴巴停不到口繼續進食～～～～～～～～～～～～～～～～～～～～～～～～～

第一次食呢間諗住試下早餐，出餐時間慢，等左10分鍾先有野飲，個麵等多10幾分鍾先有🙁熱飲唔夠熱，麵底個湯完全無味，餸正常無特別，現場見多老人家食早餐，可能遷就佢地口味食左個麵早餐，唔好食所以無影相，以後絕對唔會再幫襯呢間餐廳。

咁耐都未試過紅螞蟻既早餐，今日終於的起心肝想試下。一入黎，係手機落單既，我點左個五香牛肉米粉，太陽蛋，丹麥牛油方包，即磨熱咖啡。呢度出餐有d慢，不過唔緊要，我唔趕時間。咖啡好大杯同埋偏苦，我落左兩包糖先岩岩好。五香牛肉幾淋，太陽蛋係兩隻煎得勁圓，有心思既。最後，居然亮點係塊方包，我冇諗過方包可以咁好食，係好鬆軟，唔係出面普通茶就或者超市買果d方包黎。當我食晒成個餐，已經到午市時段，聽到隔離枱阿婆問，lunch有冇方包，哥哥仔話得早餐先有。睇黎呢度方包真係出名😂

係內地食肆橫行,差不多大部分香港人都北上消費嘅環境；本地食肆真的只能掙扎求存，出盡心思，務求留低食客的垂青。週日和老公試吓去南昌站的V-walk覓食，兩年前嚟過「紅螞蟻」食下午茶唔錯，便諗住食過番尋味；帶老公試試，老公話星期日可能冇下午茶，唔緊要，午餐都可以。正準備落單之際，侍應哥哥遞上假日下午茶menu，問我哋啱唔啱食，正合我意，因只差3分鍾便可以落下午茶單。整體食物質素和環境都很好，就連對上兩篇食評，有人投訴員工態度惡劣；我要為他們平反，由踏入餐廳>就坐>清潔枱面>提醒有下午茶>遞熱飲時多番提醒>到埋單 。每個都很有禮貌，甚至幾乎在門口送行。將心比己 ，行業艱辛難持，若香港食肆能用心待客，客人是感受到那份專業和尊重的。

4日假期，已經第三日了！仍然chill感覺，冇外遊，一於支持本地食店！南昌vwalk真係少行，但每次總會來呢間cafe！上菜快手，味道又幾好！店內裝修四正，坐得舒服！假日下午茶套餐之一炸魚柳漢堡好大件魚柳又脆口，料又足！賣相好吸引！仲有薯條同菜更令人食指大動！熱奶茶茶味濃！香滑奶茶飲完特別醒神！

服務態度真的惡劣，我嚟食個飯，唔係嚟受氣，啲伙計串過碼頭咕喱。食物質素非常一般，真係燒鵝價錢，蔗渣味道，終於明白點解假期黃金時段都大把位，大家想感受一下，不防一試。

情人節當晚唔想同人廹，所以係附近商場揾食！一家三口點咗個情人節套餐再加兩款主食南瓜蟹肉忌廉湯南瓜湯好好味👍鮮蝦野果沙律黑椒汁燒羊鞍扒伴紫薯羊架燒得剛剛好、唔韌！紫薯好香滑！即磨咖啡燒豬肋骨跟意粉法式鲜茄计燴牛脷飯白飯太乾水，麻麻。唔知係咪大家都忙，到最後没有上甜品我們巳埋單走人！

同屋企人夜晚入去食個晚飯，之前啲扒餐都尚算好食，而家D質素好一般，係個湯好飲同埋個麵包好食夠熱，啲牛扒好多筋位，又冇乜味，可能係今次咁唔好彩俾咗啲冇咁靚既位，以咁嘅價錢得過且過啦 埋單時戴眼鏡個女人收銀態度極度衰，好地地食餐飯都要受佢氣，之前食過兩次，見佢已經冇乜禮貌，今次係問佢兩句好似得罪咗佢咁，喺度嫌我哋煩，請着呢啲人係幫你間公司趕客㗎咋！一日見到呢個帶眼鏡女人係度都唔會再入去食架啦好地地一個晚飯俾佢搞到勁躁底，個商場咁多食肆就算去間冇咁好食既，都起碼係開開心心食餐飯 ，佢仲要坐喺收銀嘅位，其他侍應好好心招呼啲客 ，係俾佢臨尾埋門都激嬲啲客 ，真係辛苦晒其他侍應

想找一間靚少少的茶餐廳食個早餐作為一日的新開始，於是就決定來呢一間餐廳，絕對沒有後悔！餐廳空間好大，環境十分闊落，燈光偏暗但好在有自然光，店內設計有格調，擺放了很多植物🍀和掛牆畫🖼️。香煎黑椒雞扒公仔麵+腸仔煎太陽蛋雞扒入味嫩滑，而且份量十足，麵質偏硬，但本人很喜歡。❤️而且餐廳好貼心咁加埋生菜🥬，好少餐廳會咁做，100分💯招牌沙嗲牛肉公仔麵+火腿反蛋牛肉新鮮，食得出唔係罐頭開出嚟嘅，但沙嗲味略嫌偏淡。牛油丹麥多士麵包偏乾，略嫌不夠新鮮。