天天海南雞飯 (太古城中心)

營業中

休息中

新加坡食府，太多嘢選擇，唔知揀咩好，職員見我哋有選接擇困難，就推介咗2個2人餐，一個餐有蛇羹，一個有肉骨茶，我個人係好喜歡蛇羹嘅，但有人唔够膽飲，咁就揀咗有肉骨菜嘅晚餐。等我一一介绍喇。首先有前菜/小食就係話梅蕃茄仔，我覺得係功夫嘢，去咗皮嘅蕃茄仔酸酸哋，打開我哋的味蕾👍跟住就係「湯品」，不過肉骨茶已售罄，職員事先有話用杏汁木瓜花膠炖雞湯代替迷你肉骨茶有冇問题，當然冇問題，濃濃的白色杏汁，又有花膠，白菜仔，好似飲緊杏汁豬肺湯，有D驚喜喎。「天天海南雞」係鎮店之寶，雞好嫩滑，調味3個sause都極之精緻，仲係無骨，好適合我哋啲懶人，呵呵；沙嗲串串有雞肉和豬肉各一串，够香口趁熱食冇得輸。好耐冇食白咖喱，今次再食番白咖喱香茅豬扒，啖啖好滋味，而参巴辣椒炒通菜都符合我的要求。甜品咖央多士平時都喜歡食，但今次用埋地道新加坡食法，生雞蛋加黑豉油加pepper 調味蘸著食，終於體會到新加坡同學日日早餐喺朋友圈show到嘅味道😜🤪😝