影片
電話號碼
92871704
開飯介紹
來自新加坡的天天海南雞飯，其招牌海南雞飯，雞肉皮薄肉嫩，加上以煮雞精華一同煲出的黃油飯，深受歡迎。
繼續閱讀
營業時間
今日營業
11:30 - 21:30
星期一至日
11:30 - 21:30
以上資料只供參考, 請與餐廳確認詳情
有關獎賞計劃
👀見到「天天」個招牌，即刻諗起新加坡嗰間人龍店！😗既然暫時去唔到新加坡，就試吓香港分店止住癮先～ 🫣一入門口已經覺得好驚喜！🍹新加坡總店明明係街市小檔，但香港分店竟然玩工業風mix復古feel，坐得舒服又有格調。📺仲要周圍都播住佢哋上電視嘅片段，果然係海南雞飯界嘅大佬！ 🍽️見到個二人餐($488)有齊晒想試嘅招牌菜，二話不說就order咗！✨海南沙律（話梅蕃茄仔）✨🍅估唔到咁有驚喜！話梅嘅酸甜同蕃茄仔超夾，平時唔食蕃茄嘅我都清晒～ ✨串燒（雞&豬）✨🍢肉質新鮮，個花生醬香到呢⋯⋯忍唔住蘸多幾啖！ ✨迷你肉骨茶✨🥹藥材味夠香又唔會太濃，排骨煮到超腍，飲完成個人暖笠笠～ ✨天天海南雞飯✨🐓終於到重頭戲！雞肉滑到呢～連雞胸都唔「鞋」口！🍚雞油飯香得嚟唔油膩，食完想encore！✨白咖喱香茅豬扒✨🥥椰香味好出，豬扒嫩滑到撈飯食簡直一流～ ✨森巴辣椒炒通菜✨🌶️以為係細細碟，點知成煲上！辣椒夠惹味，通菜翠綠爽口。 ✨咖央多士✨😋飽到上心口都忍唔住食！🇸🇬最正係跟足新加坡傳統，有流心蛋+豉油胡椒粉自己調配，回憶即刻返晒嚟～✨英式伯爵茶✨🫖套餐包成壺伯爵茶，茶香濃郁，邊食邊解膩。🤌🏻雖然太古分店個門口有啲隱世（笑），但食物質素同環境真係冇得彈！🤓二人餐$500有找，可以試勻晒啲招牌菜，CP值爆燈！已經mark實下次再嚟～
繼續閱讀
今日my best friend一齊行太古城中心shopping⋯⋯行到腳仔軟想搵杯Cocktail飲吓然後再醫肚⋯⋯點知我行到一間餐廳有優惠，只要幫襯食串燒就可以加$19就可以有一杯價值$79嘅Cocktail超正，啱晒我心意仲有佢出名嘅海南雞添⋯⋯餐廳座位非常寬闊⋯⋯環境都好靚⋯⋯佈置得好似新加坡嘅食肆餐廳咁⋯⋯唔知仲以為去咗餐新加坡添⋯⋯海南雞海南雞非常嫩滑⋯⋯皮薄爽滑⋯⋯雞味濃郁⋯⋯有三款醬汁～黑豉油、薑蓉、同我最愛嘅酸甜辣醬汁⋯⋯配埋油飯食，真係好好味⋯⋯原本係叫咗一碗嘅實在太好味，再來一碗⋯⋯雞全翼其實新加坡都係好出名燒雞翼嘅⋯⋯我哋嗌咗兩隻雞翼，就可以叫兩杯Cocktail🍹🍸⋯⋯真係超抵呀🙆♀️⋯⋯燒雞翼外皮有點焦脆口感！帶點微甜，加埋沙嗲醬汁超惹味 ！Highball Mojito有埋Cocktail供應都幾chill 🍹🍹🎈🎈⋯⋯原條酸菜魚魚肉拆骨起肉⋯⋯口感非常滑溜⋯⋯酸菜帶出魚肉嘅鮮味⋯⋯而且份量好多⋯⋯魚尾同魚頭炸得好香脆，我哋都食埋⋯⋯🙆♀️薯粉和枝竹吸收晒湯頭好好味⋯⋯
繼續閱讀
之前都有聽過呢間新加坡過江龍，但唔知道原來公司附近都有！入口有啲隱蔽，要喺太古城商場地下出室外先見到～我地閒日大約7點去到，唔洗等位，仲有卡位坐！環境唔錯，乾淨企理當晚仲有做二人餐promotion，唔洗500蚊有齊前菜、湯、海南雞、小菜同甜品首先會上壺伯爵茶，仲有個無花果沙律，清清地幾開胃，好refreshing食完沙律就上咗串燒同兩碗迷你肉骨茶。串燒雞肉好嫩，好鍾意佢果個有啲似美極嘅醬！朋友就鍾意佢個沙爹醬多啲而肉骨茶雖然話迷你，不過十分足料，有一字骨、豆卜同豬肚。湯底有好香胡椒味，豬骨煲到好淋好正（飲完好想問店員可唔可以添湯haha）然後就到今晚嘅重頭戲 - 海南雞！平時食海南雞最怕好鞋，不過呢個真係做得好出色雞肉好嫩得黎仲好有雞味，真心係喺香港食過最正嘅海南雞🥹 油飯亦都好香又唔會太油食到呢度已經八成飽，但仲有白咖喱豬扒同通菜，本身無咩期望但出奇好食，餸飯一流最後當然唔少得甜品～呢個咖央多士好得意，可以先將半熟蛋加胡椒同醬油再點黎食整體黎講成餐飯超滿足！唔洗500蚊食到好飽，仲坐得好舒服，啱曬同幾個朋友黎開餐～下次再黎一定要encore佢個海南雞，仲想試埋佢其他串燒！
繼續閱讀
之前去新加坡旅行嘅時候已經食過「天天海南雞」，太古城分店開咗都有一段時間，一路都未試過，今晚就食海南雞啦😋餐廳現時由四個品牌攜手合作，除咗天天海南雞，仲引入埋米芝蓮推薦嘅超好麵、老街坊同1950'S COFFEE，可以一次過試到各種不同新加坡嘅特色美食👍🏻《龍鳳配雙人套餐》花膠太史蛇羹冬天就最啱食蛇羹進補，蛇絲幼細嫩滑加入花膠、木耳絲、雞絲、薑絲令口感更加豐富，飲落仲帶有一種果皮嘅香味，湯底以老雞去熬製，配上花膠令湯底更加濃稠，鮮味而濃郁，仲根據自己嘅喜好加入薄脆、椰菜絲同菊花瓣，令味道層次更加提升杏汁花膠木瓜燉雞湯唔食蛇羹嘅朋友仔可以選擇轉燉湯，奶白而濃稠嘅雞湯加入杏汁、花膠、木瓜一同燉製，杏香撲鼻味道清甜，滋潤而順喉👍🏻兩款湯品上枱時會一路加熱，保持湯底嘅溫度，十分貼心天天海南雞必食招牌菜👍🏻半隻海南雞份量不少，晶瑩剔透嘅外皮口感似果凍，雞肉部份已經去骨，皮下亦沒有多餘嘅脂肪，入口啖啖肉，連唔食雞皮嘅我都食晒啲滑嘟嘟嘅雞皮😆雞胸部份嘅肉質亦十分嫩滑而有彈性，配上黑醬油、薑蓉同辣椒醬更加美味可口豆漿海南雜菜煲雜菜煲入面有多種蔬菜，白菜仔、西蘭花、娃娃菜、紅蘿蔔、本菇、粉絲同鴨腎，豆漿湯底特別香甜，除咗豆香，原來仲加入咗鮮蝦去提鮮😋每一啖都食到蔬菜原有嘅清甜，連湯我都飲晒🤭生炒糯米飯蛇羹嘅最佳配搭生炒糯米飯👍🏻上枱時亦都會再加熱，裏面加入蝦米、花生、臘腸同潤腸，米飯粒粒分明亦帶有軟糯煙靭嘅口感，再加上臘腸嘅油香，令糯米飯更加香口同濕潤，確實係秋冬嘅時令食品50年代奶茶茶底味道特別濃郁，口感絲滑輕薄50年代椰奶咖啡第一次試椰奶咖啡，估唔到兩者味道係咁夾，既有椰子嘅香味，亦唔會蓋過咖啡本身嘅香氣，同時亦令到咖啡本身嘅苦味大大減低，連平時唔飲咖啡嘅朋友仔都話好飲👍🏻📍天天海南雞飯 (太古城中心) (太古)太古太古城道18號太古城中心地下003-004號舖人均消費：$250-300食物：⭐️⭐️⭐️⭐️⭐️環境：⭐️⭐️⭐️⭐️⭐️服務：⭐️⭐️⭐️⭐️⭐️回頭率：⭐️⭐️⭐️⭐️⭐️
繼續閱讀
今晚同屋企人黎到呢間係新加坡很出名的天天海南雞晚餐, 餐廳環境寬躺不錯, 部份坐位可以望到廚房, 有點大排檔氣氛 頗有特色。晚餐叫了海南雞外, 亦叫了陳皮火焰黑金叉燒, 黑松露炸生蠔…..例必叫海南雞，整體真的不錯, 不但賣相吸引，肉質十分鮮嫩, 皮與肉中間有啫哩狀, 但不會覺油膩. 我地係例牌份量, 2-3人食剛好.另外, 黑松露炸生蠔特別推介, 絕對一試, 生蠔非常鮮味, 炸皮鬆脆，配埋黑松露醬充滿驚喜.最後還叫了蒜香炸倉魚, 很有避風塘特色. 他們不是原條上菜, 而係起骨魚塊上菜, 啖啖魚肉很有滿足感. 配埋他們的醬料 增加鮮味.整體餐廳食物質素很滿意, 環境及食物加埋服務價錢合理 職員很欣勤,友善， 同家人或相約朋友晚餐係不錯的選擇
繼續閱讀
您可能會有興趣的...