大滾友火鍋 (紅棉大廈)

營業中

休息中

今次黎到屋企附近既大滾友，佢都開左一段時間，咁岩同朋友要約聚餐就過黎試下，地點都幾方便，就近巴士站同荃灣地鐵站，唔使周圍搵👍🏻【講番食既先】椰子雞番薯蜆濃湯298湯底一上黎就聞到好濃郁既椰子味，咁湯底滾左既時候當然先試下湯頭，椰子清甜味+雞件絕對係一流既配搭，雞件同時吸收左湯底既清甜，雞件都十分足料，淨係湯底已經扺讚，值得推薦。手切本地牛頸脊 348打邊爐又點少得牛肉，呢個手切牛頸脊絕對直回票價，首先肉味十分濃厚，雪花充足之餘而肥瘦適中，口感都有咬勁，話哂都本地野，值得嘉許💪🏼滑捋捋三拼168因為唔知叫邊款好，索性叫個三拼。蝦滑、黑松露墨魚滑、瑤柱乾貝滑，三個都係我鍾意嘅類型，三款都非常新鮮，個人比較推薦黑松露墨魚滑，味道較為清新而且特別，美中不足既係叫得太少🤣竹蔗茅根68竹蔗茅根使用古代形式既壺，飲得又玩得。