HIKARI

放工同同事去附近食dinner ，去咗平時鍾意食嘅Cafe，喺荃灣廣場附近，位置方便，一共有兩層，裝修清新，打卡一流，嘢食又不錯。煎封法國油鴨髀牛肝菌飲管粉大大隻油鴨髀，內質非常之實淨，冇羶味，而且一切就開，煎得非常之美味，飲管粉煮得有咬口，唔會太腍，配上牛肝菌非常之香，色香味俱全。西班牙風腸八爪魚新奧爾良飯八爪魚非常彈牙，西班牙風腸配新奧爾良飯，煮得非常之惹味，少少辣辣地，飯又咬口，煙靭好食，令人食唔停口。姜黑糖latte 天氣凍冰冰，飲杯薑黑糖latte，暖笠笠，而且薑味十足，又唔會太甜。青檸梳打朋友杯青檸梳打非常之清爽。